Tutelonomi 30:7 - Chahta Holisso Holitopa 1886

⁷ Mikmʋt chin Chitokaka Chihowah yʋt chin tʋnʋp puta micha chi̱ nukkillit chilbʋshali tuk puta kak o̱ kalakshichi ilʋppa puta ka̱ onocha hi oke.

Tutelonomi 30:7 Iomraidhean Croise

Eksotʋs 23:22

Amba im anumpa ha̱ ish im antia cha, anumpohonli li moma ka̱ ish yʋmihchi ho̱ mʋhlikma, chin tʋnʋp ʋhleha ha̱ in tʋnʋp sia ha he; micha chi̱ sanali ʋhleha ha̱ i̱ sanali sia ha hi oke.

Numbas 24:14

Atuk osh yakeh! himak a̱ ʋm okla aiasha ka̱ ona la chi̱; inta! yohmi hoka, nitak ont ishtaiyopikma, okla ilʋppʋt chim okla ha̱ nana akaniohmicha he ya̱, chim anoli lashke, achi tok.

Numbas 24:9

Hlipia hoke, koi chohmit micha koi chito chohmit tʋshki hoke, kʋta hosh ilhkolecha hinla cho? kʋna hosh anumpa yukpali chi onochikmʋt, yukpa hoke: mikma kʋna hosh anumpa ka llakshichi chi onochikmʋt kalakshi hoke, achi tok.

Tutelonomi 30:8

Mikma ish falama cha, Chihowah im anumpa ha̱ ish im antiakmʋt, im anumpa moma himak nitak a̱ chi̱ miha li ka̱ ish yʋmihcha hi oke.

Tutelonomi 7:15

Mikma Chihowah yʋt abeka puta moma ka̱ chim ai ishit kancha hi oke; micha Echip nan ililli okpulo, yʋmma ish ithana ka̱ chi onocha he keyu hoke; amba chi̱ nukkilli moma kak o̱ onocha hi oke.