Tutelonomi 30:5 - Chahta Holisso Holitopa 1886

⁵ Micha chin Chitokaka Chihowah yʋt, yakni chi̱ki ʋhleha hʋt a binili tuk a̱ chisht ʋla na, ish a binila hi oke; micha nana achukma chi yʋmihchikmʋt, chi apaknʋchi kʋt chi̱ki ʋhleha ha tok a̱ i̱ shahlicha hi oke.

Tutelonomi 30:5 Iomraidhean Croise

Atʋloa 119:68

Chi achukma cha, achukma kak o̱ ish yʋmi̱hi̱chi hokʋt, chi̱ nan ʋlhpisa putta ka̱ is sʋm abʋchashke.

Numbas 10:29

Mihma Moses ʋt Lekuel ushi Hobab Mitianait Moses ipochi yash, Yakni yʋmma Chihowah yʋt chima lashke, achi tok a̱ ia hosh il itʋnowa; pi awant ish iakma, nana achukma ka̱ e chi yʋmihchashke; Chihowah yʋt Islael pulla ka̱ achukma ho̱ anumpuli tuk oka, im achi tok.

Tutelonomi 13:17

Mikma nana achʋfa nana kia kʋllakshi yash osh chibbak a̱ foyuka he keyu hoke: yʋmohmi ho̱ Chihowah yʋt chi̱ki ʋhleha ha̱ anumpa kʋllo im il onochi tok mak osh, ai im i̱ nukkilli libbi ka̱ shʋnaiachi cha, chi̱ nukha̱klot heh chi ahni cha,

Tutelonomi 7:13

Micha chi holitobla hi oke, micha chi yukpala hi oke; micha chi apaknʋcha hi oke; micha chim oshʋto awaya, micha chi̱ yakni awaya, chim onush, micha chim oka pa̱ki, micha chi̱ bila, chi̱ wak awaya, micha chi̱ nanʋlhpoa chipunta puta aiena ka̱, yakni yo̱ chima he yash chi̱ki ʋhleha ha̱ anumpa kʋllo im ilonochi tok ʋt a na chi yukpa lashke.