Tutelonomi 30:10 - Chahta Holisso Holitopa 1886

¹⁰ Chin Chitokaka Chihowah ya̱ im anumpa ha̱ i̱sh i̱ haponaklo cha, im anumpa ʋlhpisa, micha i̱ nan ʋlhpisa bilia, nan ʋlhpisa holisso ilʋppa aholisso tuk a̱ ish ieshikma, micha falamʋt chi chu̱kʋsh a̱ mominchit, micha chimi shilombish a̱ mominchi hosh ish im onakma,

Tutelonomi 30:10 Iomraidhean Croise

Apostel isht Anumpa 26:20

Amba ile kostininchi cha filemʋt, Chihowa ya̱ okla im ona cha, ile kostininchi yʋt a yohmi ai ʋlhpiesa ho̱ yʋmohmit aiasha hi a̱, ʋmmona ka, Tamaskʋs, mikmʋt Cheluselem, micha Chutia yakni afullota moma aiasha ka mominchit im anoli li mʋt, anonti oklushi nan ik ithano ʋhleha ma im anohonli li tok oke.

Apostel isht Anumpa 3:19

Yʋmohmi hoka ile kostininchit im anukfila inla hʋchi anukfohkashke; yʋmohmi na nitak hochukma Chitokaka itikba a mihinti kʋt ahanlakma, nan hʋsh ai ashʋchika puta kʋt hʋchi̱ kashofa hi oke.

1 Kolinhlian 7:19

Hakshup tʋpa yokʋto nana keyu, mikma hakshup ik tapo yokʋt nana keyu, amba Chihowa i̱ nan ʋlhpisa holitohombli kak oke.

Tutelonomi 29:21

Micha Chihowah yʋt yʋmma Islael apehlichi puta moma ka̱ ila filʋmmichit, nana ik achukmo ak o̱ isht onʋt, nan ʋlhpisa holisso ilʋppa nan itim apesa ya̱ kallakshichi anumpa hʋt takali tuk mak o̱ yʋmihcha hi oke.

Tutelonomi 30:11

Anumpa ilʋppa himak nitak a̱ chim anumpohonli li kʋt chin luma keyu; micha chi̱ hopaki keyu hoka;

Tutelonomi 30:2

Micha chin Chitokaka Chihowah ya̱ falamʋt ish im ona cha, chishno, micha chim ʋlla ʋhleha aienʋt chi chu̱kʋsh mominchit, micha chimi shilombish mominchit himak nitak a̱ nana moma chim ahanchi li tuk mak o̱, yʋmohmit im anumpa ha̱ ish im antiakma;

Tutelonomi 30:8

Mikma ish falama cha, Chihowah im anumpa ha̱ ish im antiakmʋt, im anumpa moma himak nitak a̱ chi̱ miha li ka̱ ish yʋmihcha hi oke.

Tutelonomi 4:29

Yohmi tuk kia yʋmma a̱shʋt chin Chihowah Chitokaka ya̱ ish hoyokmʋt, chi chu̱kʋsh a̱ mominchit, micha chi shilombish a̱ mominchit hʋsh hoyokmʋt, hʋsh ahayucha hi oke.

Tutelonomi 6:5

Yohmi ka̱ Chitokaka chin Chihowah ya̱ chi chu̱kʋsh a̱ mominchit, micha chi shilombish ma mominchit, micha chi kʋllo ya̱ mominchit ishit ish holitoblashke,