Tutelonomi 3:6 - Chahta Holisso Holitopa 1886

⁶ Micha Heshbon i̱ mi̱ko Sihon a tok a̱ chohmichit ishit kanchit, il ʋmohmichi tok, tʋmaha holihta puta hatak, micha ohoyo, micha ʋlla ʋhleha aiena ka̱ ishit kanchit il ʋmohmichi tok.

Tutelonomi 3:6 Iomraidhean Croise

Numbas 21:2

Mihma Islael ʋt anumpa il onochi Chihowah ya̱ im il onochit, okla ilʋppa sʋbbak a̱ ish fohki ho̱ mʋhlikma, yohmikma in tʋmaha holihta puta moma ka̱ okpʋnit tahlit ʋmohmichi lashke, achi tok.

Tutelonomi 1:4

Amolait okla i̱ mi̱ko Sihon Heshbon ai ʋtta tok, micha Bashan i̱ mi̱ko Ok Etlei talaia Ashtalolh ʋtta yo̱ ʋbi ha yʋt:

Tutelonomi 2:24

Hʋsh wakaya cha nowʋt iʋt Anon okhina ya̱ hʋsh hlopullashke, yakeh, Amolait Sihon Heshbon i̱ mi̱ko, micha i̱ yakni ya̱ chibbak fohki lishke; abinilit ish wakayashke, itibi yak o̱ ish i̱ kʋllashke.

Tutelonomi 2:34

Micha nitak yʋmma in tʋmaha holihta puta moma ka̱ il ishi cha, tʋmaha holihta puta hatak, micha ohoyo, micha ʋlla aiena ka̱ ishit kanchit il ʋmohmichi tok; achʋfa kia kil apoancho tok.

Tutelonomi 29:6

Pʋska hʋchik po, micha oka pa̱ki, micha nan ishko homi nana kia hʋsh ishko tuk keyushke; yʋmohmi hosh ʋno ak osh hʋchin Chitokaka Chihowah sia ka̱ hʋsh ithaiyana chi̱ hatuk oke

Tutelonomi 3:2

Mihma Chihowah yʋt, Ish i̱ nukshopa na, yʋmma micha im okla moma, micha i̱ yakni ya̱ chibbak fohki la chi̱ hoke; mikma Amolait ʋhleha, yʋmmʋt Heshbon aiasha tuk i̱ mi̱ko Sihon a̱ ish yʋmihchi tuk ʋt ish chohmicha chi̱ hoke, ʋm achi tok.

Tutelonomi 3:5

Tʋmaha ilʋppa puta kʋt holihta chaha isht aholihta hosh holihta okhissa, micha im okhowatkʋchi yokma, tʋmaha ushi ik aholihto laua fehna tok.

Choshua 11:14

Micha tʋmaha holihta ilʋppa puta ka na wehpoa moma, micha wak aiena kʋno Islael im ʋlla ʋhleha hʋt immi ha chi̱ hosh ishi tok: amba hatak puta kʋno, bʋshpo falaia halupa isht issot ont kanchi cha, fiopa chi̱ ka achʋfa kia okla ik hlakofecho tok.