Tutelonomi 3:3 - Chahta Holisso Holitopa 1886

³ Yohmi hosh pin Chitokaka Chihowah yʋt Bashan i̱ mi̱ko Ok ak kia micha im okla moma ka̱ pibbak fohki tok; atuk o̱ issot e kanchi na, i̱ hlakofi kʋt iksho tok.

Tutelonomi 3:3 Iomraidhean Croise

Atʋloa 136:20

Micha Beshan i̱ miko Ok aiena ka̱ ʋbih mʋt, — im isht i̱ hullo yʋt abillia yoka̱ —

Numbas 21:35

Yʋmohmi hosh yʋmma, micha ushi ʋhleha, micha im okla moma ka̱ issot kanchi na, okcha̱yʋt im anta kʋt iksho tok, micha i̱ yakni ishit abinili tok.

Tutelonomi 29:6

Pʋska hʋchik po, micha oka pa̱ki, micha nan ishko homi nana kia hʋsh ishko tuk keyushke; yʋmohmi hosh ʋno ak osh hʋchin Chitokaka Chihowah sia ka̱ hʋsh ithaiyana chi̱ hatuk oke

Tutelonomi 3:2

Mihma Chihowah yʋt, Ish i̱ nukshopa na, yʋmma micha im okla moma, micha i̱ yakni ya̱ chibbak fohki la chi̱ hoke; mikma Amolait ʋhleha, yʋmmʋt Heshbon aiasha tuk i̱ mi̱ko Sihon a̱ ish yʋmihchi tuk ʋt ish chohmicha chi̱ hoke, ʋm achi tok.

Tutelonomi 3:4

Micha nitak yʋmma in tʋmaha holihta moma ka̱ il ishi tok; tʋmaha holihta kil im esho tuk achʋfa kia iksho tok, Bashan i̱ mi̱ko Ok im apehlichika Akob aiʋhli fullota moma ka̱ tʋmaha holihta pokoli hannali tok.

Tutelonomi 4:47

Micha i̱ yakni micha Bashan i̱ mi̱ko Ok i̱ yakni aiena a binili tok, Amolait i̱ mi̱ko tuklo, yʋmmʋt Chatan ola in tʋnnʋp hʋshi akochaka pilla ho̱ aiasha tok.

Choshua 13:12

Bashan ʋtta Ok apehlichika moma, yʋmmʋt hatak chaha ishtaiyopi yosh Ashtololh, micha Etlei ita tuklo ka a mi̱ko tok aiena moma kak o̱ ima tok oke: ilʋppa puta ka Moses ʋt issot kanchi cha, i̱ yakni ya̱ im ai ishi tok okʋt,

Choshua 13:30

Micha im ai ʋhli kʋt Mahanaim a̱ ʋttʋt ia ka Bashan ʋt moma, micha Bashan i̱ mi̱ko, Ok im apehlichika ʋt moma, micha Chai in tʋmaha puta moma, pokoli hannali hosh aiena kʋt Bashan a̱ a̱sha: