Tutelonomi 3:27 - Chahta Holisso Holitopa 1886

²⁷ Oiyʋt, Piskah paknaka ya̱ ish onashke, micha hʋshi aiokatula pilla, micha falʋmmi pilla, micha oka mahli pilla, micha hʋshi akochaka pilla pit ish hopo̱koyashke, micha chi̱ nishkin a̱ isht ish pisashke: amba Chatan ilʋppa ish hlopulla chi̱ keyu hokʋt.

Tutelonomi 3:27 Iomraidhean Croise

Numbas 20:12

Mihma Chihowah yʋt Moses micha Alon a̱ im anumpulit, Hʋchik sa̱ yimmot Islael im ʋlla ʋhleha itikba ya̱ hʋchik sa holitoblo tuk okʋt, yʋmohmi tuk okʋt okla ilʋppa pehlichit yakni ima li tok a̱ isht hʋsh chukowa chi̱ keyu hoke, im achi tok.

Numbas 23:14

Mihmʋt Sofim osapa Piskah tabokaka ya̱ isht ona cha alta untuklo ho̱ ikbi mʋt, alta achʋfa ka̱ wak hobʋk achʋfa micha chukfi nakni achʋfa bieka ho̱ onochit im issa tok.

Numbas 27:12

Micha Chihowah yʋt Moses a̱, Nʋnih Abalim ilʋppa oiya cha Islael im ʋlla ʋhleha yakni ima li tok a̱ pisah.

Tutelonomi 1:37

Micha Chihowah yʋt hʋchishno pulla kak o̱ a̱ nukowa cha̱, yʋmma ish chukowa he keyu, ak inli.

Tutelonomi 31:2

Micha himak nitak a̱ afʋmmi tahlepa cha, pokoli tuklo li hoke; himakma kuhchʋt iʋt, ant chukowa la he keyu hoke; micha Chihowah yʋt Chatan ilʋppa ish hlopulla he keyu, a̱ miha ha tuk oke;

Tutelonomi 32:49

Nʋnih chaha Abalim ilʋppa oiyʋt Nebo bokko, yʋmmʋt Moab yakni hikia, Cheliko ichapaka ya̱ ish onashke; micha Kenan yakni Islael im ʋlla ʋhleha hak osh i̱ yakni ya chi̱ ho̱ ima li tuk a̱ ish pisashke.

Tutelonomi 32:52

Yohmi kia yakni ʋt chi tikba talaia na ish pisa chi̱ hoke; yohmi kia yakni Islael im ʋlla ʋhleha ima li tok a̱ yʋmma iʋt ish ona he keyu hoke, achi tok.