Tutelonomi 3:26 - Chahta Holisso Holitopa 1886

²⁶ Yohmi kia Chihowah yʋt hʋchishno ak a tuk pulla mak o̱, a̱ nokowa cha, a̱ haponakla he keyu tok: micha Chihowah yʋt, Ik chim ʋlhpesá, himakma nana ilʋppa isht chik sʋm anumpulo kashke.

Tutelonomi 3:26 Iomraidhean Croise

Mahlu 20:22

Yohmi kia Chisʋs ʋt afalaminchi mʋt, Nana ho̱ hʋsh asilhha hokʋt hʋsh akostininchi keyushke. Hʋchishno ʋt isht‐ishko ai ishko la chi̱, yʋmma hʋsh ai ishka hinla cho? anonti baptismo isht a sa baptismo ka isht hʋchi baptisma hinla cho? im achi ma, yʋmmak ash osh, Pi yʋmohma hinla hoke, im achi tok.

Mahlu 26:39

Mihmʋt achakalit iʋt misha ituma ona mʋt, hlipiʋt itula cha, ʋba pit anumpuli mʋt, A̱ki ma! yohma hinla yoba hokma, isht‐ishko ilʋppʋt a̱ kanʋllashke: yohmi kia ʋno ak osh ahni li kak keyu, amba chishno ish ahni kak ashke.

2 Kolinhlian 12:8

Ilʋppa pulla kak o̱ Chitokaka ya̱ hituchina ha im asilhha li kʋt, ilʋppak ash osh ʋm a filʋmma chi̱ kak atuk oke.

Tutelonomi 1:37

Micha Chihowah yʋt hʋchishno pulla kak o̱ a̱ nukowa cha̱, yʋmma ish chukowa he keyu, ak inli.

Tutelonomi 31:2

Micha himak nitak a̱ afʋmmi tahlepa cha, pokoli tuklo li hoke; himakma kuhchʋt iʋt, ant chukowa la he keyu hoke; micha Chihowah yʋt Chatan ilʋppa ish hlopulla he keyu, a̱ miha ha tuk oke;

Tutelonomi 34:4

Micha Chihowah yʋt, Yakni ilʋppak o̱ Eblaham Aisak, micha Chekob aiena ka̱ anumpa kʋllo im ilonochit, chim ishtatiaka ya̱ ima la hi yoke, achi li tok mak oke: chi nishkin ishit chi pisachi lishke, yohmi kia pit hlopullit yʋmma ish ia he keyu hoke.