Tutelonomi 3:24 - Chahta Holisso Holitopa 1886

²⁴ Chitokaka Chihowah ma, a chi chito, micha chibbak akʋllo ka̱ chin tishu ha̱ im otʋninchit ish wakaya tuk oke: Chitokaka nanta hak osh ʋba ahantakmʋt, keyukmʋt yakni ahanta kʋt a chi kʋllo ka̱ yʋmohmit, ish a toksʋli ya̱ yʋmihcha hinla hotuma?

Tutelonomi 3:24 Iomraidhean Croise

2 Samuel 7:22

Yʋmohmi hokʋt chi holitopʋshke, Chitokaka Chihowa ma! pi haksobish ʋt haiyaklo tuk pulla moma ka chishno chiyuhmi kʋt iksho, micha inla kʋt Chitokaka ʋt iksho hoka.

1 Mi̱ko 8:42

(Chi̱ hohchifo holitopa chinto, micha chibbak kʋllo, micha chi shakba ashatapa puta ka okla hakla chi̱ hokʋt,) ʋla cha, aboha ilʋppa anumpa ilbʋsha et anumpohonlikma;

Atʋloa 106:2

Kʋta hosh na̱ chinto Chihowa hʋt yʋmi̱hi̱chi tuk a̱ ʋnola hinlah choh? kʋta hosh yʋmma̱ hulittoblichi moma ka̱ hakluchecha hinlah choh?

Atʋloa 145:3

Chihowa hʋt chinto hoke, micha hulittopah fehna he ʋlhpesa hoke, micha chinto ka̱ kʋna hosh silhhit taiyahla he keyu hoke.

Atʋloa 145:6

Micha ishit nukshopa he ʋlhpesa nan ish yʋmi̱hi̱chi kʋt hlampko ka̱ oklah mi̱hi̱hashke; mikma̱ na huchinto ish yʋmi̱hi̱chi ka̱ ʋnoli lashke.

Atʋloa 150:2

Na̱ chinto yʋmi̱hi̱chi tuk ak o̱ hʋsh hulittoblichashke; chintoh fehnah pulla kak o̱ hʋsh hulittoblichashke.

Atʋloa 35:10

Sʋf foni moma kʋt, “Chihowa ma, ilbʋssha ya̱ kʋlloh i̱ shahli im ai ishit ish hlʋkuffichikmʋt, issikkopa micha nan ik im iksho wehpuli ya̱ im ai ishit ish hlʋkuffichi chia ha̱ kʋta hak osh chishno a̱ chohmih choh?” acha chi̱ hoke.

Atʋloa 71:19

Yohmi ka̱ chim ai ʋlhpiesa yʋt achahaka ya̱ ona kak oke, na̱ chinto ish yʋmi̱hi̱chih chatuk Chitokaka chiah ma; kʋta hosh chishno ya̱ chiyuhmih choh, Chitokaka ma?

Atʋloa 86:8

A̱ Shahlih ma, chitokaka putta ka̱ chishno chohmi kʋt ikshoshke; micha nan isht ish a yʋmi̱hi̱chi chohmi kʋt ikshoshke.

Atʋloa 89:6

Yohmi ka̱ kʋta hosh shutik a̱ha̱tta kʋt Chihowa ha̱ ittʋlhpisa hinlah choh? Kʋta hosh huchitoka ushi ʋhleha ha̱ ai achʋffa yʋt Chihowa ha̱ hoiyulba hinlah choh?

Atʋloa 89:8

Nan u̱ha i̱ Chitokaka Chihowa ma, kʋta hosh Chihowa pʋllʋmmi chia ha̱ chohmih choh? yohmi ka̱ nan isht ish ai a̱hli achukma yʋt chi ʋpakfoiyupa hoke.

Eksotʋs 15:11

Chihowah ma, naholbʋt toba puta im ai itin takla ya̱, kʋta hak osh chishno chiyuhmi cho? nan ashʋchi ik im iksho holitopa, holitopʋt annoho̱wa kʋt chinto, nafehna yʋmihchi chia hoke: kʋta hak osh chishno chiyuhmi cho?

Eksotʋs 8:10

Mihma onnaha yah achi tok, Mihma chim anumpa hatuk mak o̱ yʋmohmashke. Yʋmohmi ho̱ pin Chitokaka Chihowah chohmi kʋt iksho ka̱, ish ithaiyanashke.

Eksotʋs 9:14

Himak ano a̱ nanililli okpulo puta ka̱ chi chu̱kʋsh, micha chin tishu ʋhleha, micha chim okla ha̱ onochi la chi̱ hoke; yʋmohmi ho̱ yakni moma ka̱ ʋno chohmi kʋt iksho ka̱ ish ithaiyana chi̱ hoke.

Numbas 23:23

Chekob a̱ i̱ sanalit ishit yushpakʋmma he ʋt iksho hoke; micha Islael a̱ i̱ sanalit isht ahulla he ʋt iksho hoke: himak a̱ chohmi ka̱ Chekob a̱ micha Islael a̱ Chitokaka yʋt nan atahli hoke, acha hi oke.

Tutelonomi 11:2

Micha himak nitak a̱ hʋsh ithaiyanashke; hʋchim ʋlla ʋhleha ha̱ im anumpule li keyu hoka; yʋmmak osh hʋchin Chitokaka Chihowah yʋt na hotopa onohonchi tuk, im aholitopa, ibbak a kʋllo, micha shakba ashatapa,

Tutelonomi 3:23

Micha nitak yʋmma Chihowah ya̱ im asilhhʋt,

Tutelonomi 32:3

Chihowah hohchifo kak o̱ anoli la chi̱ hokʋt; pin Chitokaka yo̱ isht a holitopa ya̱ hʋsh imashke.