Tutelonomi 3:18 - Chahta Holisso Holitopa 1886

¹⁸ Micha nitak yʋmma hʋchim anumpo̱honli li mʋt, hʋchin Chitokaka Chihowah yʋt yakni ilʋppa hʋsh binila chi̱ ka̱, hʋchima tuk oke; tʋnʋp a̱ya hinla moma kʋt, nahalupa hʋchim ʋlhtaha hosh, hʋchitibapishi ʋhleha Islael im ʋlla ʋhleha ha̱ itikba hʋsh hlopulla chi̱ hoke.

Tutelonomi 3:18 Iomraidhean Croise

Genesis 15:7

Mihma, Ʋno ak osh yakni ilʋppʋt chimmi hachi̱ mak o̱, chima la chi̱ kʋt, Kaltea yakni talaia Uh ha̱ ai ishit chi kohchi li tok ʋt Chihowah sia hoke, im achi tok.

Atʋloa 136:21

I̱ yakni ya̱ immih mak o̱, — im isht i̱ hullo yʋt abillia yoka̱ —

Numbas 33:53

Micha okla aiasha tuk a̱ yakni hʋsh im ishi cha hʋsh aiasha chi̱ hoke, yakni ya̱ hʋsh isha chi̱ ho̱ hʋchima li hatuk oka.

Tutelonomi 12:1

Nanʋlhpisa bilia, micha aiʋlhpiesa yʋmi̱hinchi ilʋppa puta ka̱ chi̱ki ʋhleha in Chitokaka Chihowah yʋt yakni ya̱ ish isha chi̱ ho̱ chima tok a̱ okcha̱yʋt yakni paknaka hʋsh a̱ha̱shwa nitak moma kʋt ithaiyanʋt hʋsh yʋmihchashke.

Tutelonomi 15:4

Ilbʋsha yʋt hʋch itin takla ya̱ iksho hok mak illa hi oke, ish ai isha he ʋlhpesa yosh ish ai isha chi̱ ho̱, chin Chitokaka Chihowah yʋt yakni chima tok a̱ Chihowah yʋt chi yukpali fehna chi̱ hoke.

Tutelonomi 19:14

Yakni a binilit ish iesha chi̱ chin Chitokaka Chihowah yʋt chima tok, chi̱ yakni ya̱ chin chuka abili̱ka i̱ yakni ʋlhpisa, yʋmmʋt nitak cha̱shpo ma, a hilechi ha tok a̱ ish kanʋllicha he keyu.

Tutelonomi 19:2

Ish ai asha chi̱ ho̱ chin Chitokaka Chihowah yʋt chima ka̱ chi̱ yakni iklʋnna tʋmaha holihta tuchina ho̱ ish ilai atokola hi oke.

Tutelonomi 19:7

Yʋmohmi hoka tʋmaha holihta tuchina ho̱ ila filʋmmichit ish atokola chi̱ ka̱ chi̱ miha lishke.

Tutelonomi 21:1

Yakni ish ai isha chi̱ ho̱ chin Chitokaka Chihowah yʋt chima tok a̱ achʋfa hosh illi cha, osapa ai itonlʋt haiakakma, micha kʋna hosh ʋbi tuk a̱ ik ithanokma,

Tutelonomi 25:19

Yʋmohmi hoka yakohma hi oke, yakni yash a binilit ish iesha chi̱ ho̱ chin Chitokaka Chihowah yʋt chima tok a̱, chin tʋnʋp puta fullota ka̱ chin Chitokaka Chihowah yʋt chi fohʋchikma, shutik nutaka ya̱ Amalek isht ithana ya̱ kashofit ish kanchashke, ik chim ahakso kashke. (achi tok.)

Tutelonomi 5:31

Amba chishno ʋto a̱ bili̱ka ilʋppa ish hikiakma, anumpa moma micha nan ʋlhpisa bilia, aiʋlhpiesa yʋmi̱hinchi puta ka̱ chim anumpohonli likma, yʋmmak oka ish im abʋchikma aiasha chi̱ ka, yakni ima li tok a̱ aiashʋt yʋmihinchashke, im achi tok.

Tutelonomi 6:1

Yohmi ka̱ anumpa puta, micha nan ʋlhpisa bilia puta, micha ai ʋlhpiesa yʋmi̱hinchi ilʋppa puta hʋchim ʋlbʋcha he, Chitokaka hʋchin Chihowah yʋt anumpo̱honli na, yakni hʋsh aiasha chi̱ hosh hʋsh ia kʋt hʋsh a yʋmi̱hincha chi̱ kak a tok oke.

Tutelonomi 9:6

Yʋmohmi hoka chin Chitokaka Chihowah yʋt yakni achukma ilʋppa ish a binila chi̱ ho̱ chima kʋt, chi ai ʋlhpiesa kak o̱ keyu ka̱ ish ithaiyanashke; okla ikunla kʋllo chia hoka.

Choshua 1:11

Binah ha hlopullit a̱yʋt, okla ha̱ nan i̱ mihʋt, Pinak ʋt hʋchim ʋlhtahashke; nitak tuchina ta̱kla ka Chatan ilʋppa hlopullit, Chitokaka hʋchin Chihowa ʋt hʋchimmi ha chi̱ ho̱ yakni hʋch ima hoka ont chukowʋt hʋsh isha chi̱ hoke, achi tok.