Tutelonomi 3:13 - Chahta Holisso Holitopa 1886

¹³ Mikma Kileat atampa ka̱, micha Bashan moma, yʋmmʋt Ok im apehlichika ya̱ Manasseh ishtatiaka iklʋnna ya̱ ima li tok; Akob aiʋhli moma, Bashan aiena moma, yʋmmʋt hatak chaha yakni hohchifo ha tok.

Tutelonomi 3:13 Iomraidhean Croise

Genesis 14:5

Atuk o̱ afʋmmi ont isht auah ushta ma, Chetolaoma yʋt, micha mi̱ko ʋhleha yʋmma apeha kash aiena kʋt ʋla cha, Lefaim okla Ashtelolh Kanaim aiasha, micha Susim okla Ham aiasha, micha Emim okla Shafeh Kiliahlaim aiasha tuk aiena ka̱ issot kanchi mʋt,

2 Mi̱ko 10:33

Chatan a̱ ʋttʋt hʋshi akohchaka pila ia hosh, Kat okla, micha Luben okla, micha Manasseh okla, yʋmmʋt Kileat yakni moma, Aloe, yʋmmʋt Anon okhina bili̱ka talaia ka ʋttʋt ia hosh, Kileat, micha Bashan aiena ka fahama tok.

Tutelonomi 29:7

Atuk osh ilʋppa hʋsh la ma, Heshbon i̱, mi̱ko Sihon, micha Bashan i̱ miko Ok ita tuklo kʋt kohchʋt pi̱ sanalit pitibi tok; mikma issot e kanchi tok.

Tutelonomi 29:8

Mihmʋt i̱ yakni ya̱ il ishi cha, Lubenait micha Katait, micha Manasseh apelichi iklʋnna aiena kʋt i̱ yakni ya chi̱ ho̱ il ima tok.

Tutelonomi 3:12

Mihma yakni ilʋppa nitak yʋmma, Aloe yʋmmʋt Anon okhina bili̱ka talaia ka̱ ʋttʋt ia hosh Kileat nʋnih iklʋnna ʋhli kʋt in tʋmaha holihta puta aiena il ishi tuk a̱ Lubenait ʋhleha, micha Katait ʋhleha aiena kak o̱ ima li tok.

Tutelonomi 3:14

Manasseh ushi Chai ʋt Akob yakni moma Cheshuli micha Maakahli ont ʋhli ka̱ ishi cha, ilap hohchifo ya̱ ahochifochit Bashan‐hafolh‐Chai, achi tok, himak nitak a̱ moma hoke.

Tutelonomi 3:4

Micha nitak yʋmma in tʋmaha holihta moma ka̱ il ishi tok; tʋmaha holihta kil im esho tuk achʋfa kia iksho tok, Bashan i̱ mi̱ko Ok im apehlichika Akob aiʋhli fullota moma ka̱ tʋmaha holihta pokoli hannali tok.