Tutelonomi 3:11 - Chahta Holisso Holitopa 1886

¹¹ Hatak chaha ʋhleha a̱sha hatuk a̱ Bashan i̱ mi̱ko Ok ak bano hosh okcha̱yʋt ahanta tok; yakeh, in topa hʋt tʋli topa hatok; Ammon im ʋlla ʋhleha aiasha Labbah hiki̱a keyu cho? hatak i̱ kubit ʋlhpisa hosh falaia kʋt kubit chakkali tok, micha auahta kʋt kubit ushta tok.

Tutelonomi 3:11 Iomraidhean Croise

Genesis 14:5

Atuk o̱ afʋmmi ont isht auah ushta ma, Chetolaoma yʋt, micha mi̱ko ʋhleha yʋmma apeha kash aiena kʋt ʋla cha, Lefaim okla Ashtelolh Kanaim aiasha, micha Susim okla Ham aiasha, micha Emim okla Shafeh Kiliahlaim aiasha tuk aiena ka̱ issot kanchi mʋt,

Genesis 6:15

Micha yakohmichit ish ikbashke: Peni chito yʋt falaia kʋt kubit tahlepa tuchina, pʋtha kʋt kubit pokoli tahlapi, micha chaha kʋt kubit pokoli tuchinashke.

2 Samuel 11:1

Atuk o̱ yakohmi tok, afʋmmi ʋt ont taha ha ya̱, mi̱ko puta kʋt kohchʋt tanampit ia chatuk ʋt ʋla ma, Lewi ʋt Choab a̱, micha in tishu ʋhleha aiena, micha Islael moma ka pila tok: mihma Ammon in chipota chuk il issʋchit isht a̱yʋt Labbah ya̱ ont in tanampit apakfoyupʋt a binanchi tok. Amba Lewi ʋto Chelusalem a̱ anta moma tok.

2 Samuel 12:26

Mihma Choab ʋt Ammon in chipota Labbah ya̱ itibi cha, mi̱ko in tʋmaha holihta ya̱ ishi tok.

Tutelonomi 2:11

Yʋmmak kia Anakim ak inli chohmit hatak chaha hohchifo tok; amba Moabait ʋhleha hʋt Emim hochifo tok.

Tutelonomi 2:20

Yʋmmak kia hatak chaha i̱ yakni hohchifo tok; nitak cha̱shpo ka̱ hatak chaha yʋt yʋmmak o̱ aiasha tok. Mihma Ammonait ʋhleha hʋt Samsʋmmim okla yoke, achi tok.

Choshua 12:4

Micha Bashan i̱ mi̱ko Ok, yʋmmʋt hatak chaha ishtaiyopi hosh Ashtalolh, micha Etlei aiena ka ʋtta yosh im ai ʋhli kʋt,

Choshua 13:12

Bashan ʋtta Ok apehlichika moma, yʋmmʋt hatak chaha ishtaiyopi yosh Ashtololh, micha Etlei ita tuklo ka a mi̱ko tok aiena moma kak o̱ ima tok oke: ilʋppa puta ka Moses ʋt issot kanchi cha, i̱ yakni ya̱ im ai ishi tok okʋt,

Nan Otʋni 21:17

Mihmʋt aholihta kash o̱ hatak i̱ nan isht ʋlhpisa yo̱ yʋmma enchil ash ot isht apesa ma, kubit tahlepa achʋfa pokoli ushta akucha ushta tok.

1 Samuel 17:4

Mihma Filistin ʋhleha im ʋlbina ha̱ hatak chito yosh hohchifo kʋt Koliah Kalh ʋtta achi hosh, chaha kʋt kubit hannali cha, span achʋfa aiena hosh kohchʋt ia tok.