Tutelonomi 3:1 - Chahta Holisso Holitopa 1886

¹ Yohmi ma e fullota cha, Bashan hina ia kak o̱ il ia tok mihma Bashan i̱ mi̱ko Ok yʋmma, micha im okla moma aiena kʋt pi̱ sanalit pitiba chi̱ hosh, kohchʋt Etlei ya̱ ʋla tok.

Tutelonomi 3:1 Iomraidhean Croise

1 Mi̱ko 4:19

Uli ushi Kebe ʋt Kileat yakni Amolait okla i̱ mi̱ko Sihon i̱ yakni, micha Bashan i̱ mi̱ko Ok i̱ yakni aiena kak o̱ a hoyo tok: micha yakni yʋmma nanʋlhtoka ʋt yʋmmak illa hosh ahanta tok.

Atʋloa 136:20

Micha Beshan i̱ miko Ok aiena ka̱ ʋbih mʋt, — im isht i̱ hullo yʋt abillia yoka̱ —

Tutelonomi 1:4

Amolait okla i̱ mi̱ko Sihon Heshbon ai ʋtta tok, micha Bashan i̱ mi̱ko Ok Etlei talaia Ashtalolh ʋtta yo̱ ʋbi ha yʋt:

Tutelonomi 2:32

Yohmi ma Sihon micha im okla moma aiena kʋt pi̱ sanalit, pitiba chi̱ hosh kohchʋt Chahas ak o̱ ʋla tok.

Tutelonomi 29:7

Atuk osh ilʋppa hʋsh la ma, Heshbon i̱, mi̱ko Sihon, micha Bashan i̱ miko Ok ita tuklo kʋt kohchʋt pi̱ sanalit pitibi tok; mikma issot e kanchi tok.

Tutelonomi 3:2

Mihma Chihowah yʋt, Ish i̱ nukshopa na, yʋmma micha im okla moma, micha i̱ yakni ya̱ chibbak fohki la chi̱ hoke; mikma Amolait ʋhleha, yʋmmʋt Heshbon aiasha tuk i̱ mi̱ko Sihon a̱ ish yʋmihchi tuk ʋt ish chohmicha chi̱ hoke, ʋm achi tok.

Tutelonomi 31:4

Mikma Chihowah yʋt Amolait i̱ mi̱ko tuklo Sihon, micha Ok, micha i̱ yakni aiena yʋmmak oka ishit kanchi tuk ʋt chohmicha chi̱ hoke.

Tutelonomi 4:47

Micha i̱ yakni micha Bashan i̱ mi̱ko Ok i̱ yakni aiena a binili tok, Amolait i̱ mi̱ko tuklo, yʋmmʋt Chatan ola in tʋnnʋp hʋshi akochaka pilla ho̱ aiasha tok.

Choshua 12:1

Mihma mi̱ko ʋhleha ilʋppa puta kak osh yakni yʋmma a̱sha tuk o̱ Islael im ʋlla ʋhleha hʋt ʋbit tahli cha, i̱ yakni Chatan mish tʋnnʋp hʋshi a kochaka pilla, Anon okhina ʋttʋt ia hosh Hemon nʋnih ha̱ ona, micha hʋshi a kochaka yakni patali ka okla ishit a binili tok.

Choshua 12:4

Micha Bashan i̱ mi̱ko Ok, yʋmmʋt hatak chaha ishtaiyopi hosh Ashtalolh, micha Etlei aiena ka ʋtta yosh im ai ʋhli kʋt,

Choshua 13:30

Micha im ai ʋhli kʋt Mahanaim a̱ ʋttʋt ia ka Bashan ʋt moma, micha Bashan i̱ mi̱ko, Ok im apehlichika ʋt moma, micha Chai in tʋmaha puta moma, pokoli hannali hosh aiena kʋt Bashan a̱ a̱sha:

Choshua 9:10

Micha Chatan mish‐tʋnnʋp Amolait okla i̱ mi̱ko tuklo, Heshbon i̱ mi̱ko Sihon, micha Bashan i̱ mi̱ko Ok Ashtalolh ʋtta aiena ka kaniohmichi tuk puta ka e haklo hatuk osh.