Tutelonomi 29:9 - Chahta Holisso Holitopa 1886

⁹ Yʋmohmi hoka anumpa nan itim apesa ilʋppa hʋsh ieshi cha, hʋsh yʋmihchashke; yʋmohmi hosh nana hʋsh yʋmihinchi moma kʋt hʋchim aia̱hli hʋchim achukmashke.

Tutelonomi 29:9 Iomraidhean Croise

1 Mi̱ko 2:3

Micha chin Chitokaka Chihowa ʋt atokolit chi̱ miha kak o̱ ish im antia cha, i̱ hina puta ish a noho̱wa cha, i̱ nan ʋlhpisa puta, micha im anumpa ʋlhpisa puta, micha i̱ nan ai isht apesa puta, micha i̱ nan ai isht il atokoli puta aiena kʋt Moses i̱ nanʋlhpisa a holisso tok a̱, ish ieshashke; yʋmohmi hosh nana ho̱ ish kaniohmikmʋt, micha kanima yo̱ pit ish fullotakmʋt, hopoyuksa hosh ish a̱yashke:

Atʋloa 25:10

I̱ nan ittim ʋlhpisa, micha nan isht im ai ʋlhtukkoa putta ka̱ hulittobli ʋhleha ha̱ Chihowa hʋt nan a kʋniohmi kʋt momʋt nan i̱ hullo micha ʋnnumpah ai a̱hli mak oke.

ʋBanumpa Luk Ʋt Holissochi Tok 11:28

Yohmi kia yʋmmak ash ot, A̱hli, na‐yukpa aia̱hli kʋto Chihowa im anumpa ha̱ haklo cha, im antia hak oke, achi tok.

Tutelonomi 29:1

Ilʋppa puta kak osh nan itim apesa anumpa ho̱ Holeb a̱ nan ai itim apesa tok ʋt a̱sha na, Chihowah yʋt Moses a̱ tohno na, Islael im ʋlla ʋhleha ha̱ Moab yakni ya̱ ai itim apesa tok mak oke.

Tutelonomi 29:10

Himak nitak a̱ hʋsh moma kʋt hʋchin Chitokaka Chihowah itikba ya̱ hʋsh hielishke, hʋchim apehlichi puta i̱ kʋpotʋni ʋhleha, hʋchim asʋnonchi ʋhleha, micha na hʋchim ʋlhtoka ʋhleha Islael hatak ʋhleha moma aiena,

Tutelonomi 31:12

Okla, hatak, ohoyo, micha ʋlla ʋhleha, micha okla inla yosh chi̱ holihta okhissa anu̱kaka chim ahanta aiena ka̱ hoyot ish itʋnahlashke; yʋmohmi hosh haklashke, micha yʋmohmi hosh ithʋnashke, micha hʋchin Chitokaka Chihowah ya̱ i̱ nukwia cha nan ʋlhpisa ilʋppa anumpa moma ka̱ ithaiyanʋt yʋmihchashke.

Tutelonomi 4:6

Yʋmohmi hoka hʋsh holitobli cha, hʋsh yʋmihchashke; ilʋppak osh oklushi puta nan ʋlhpisa ilʋppa haha̱klokmʋt, Oklushi chito ilʋppʋt okla hopoyuksa, micha nan ithana a̱hli yoke, chi acha he, itikba ya̱ hʋsh apoyuksa, micha na hʋsh ithaiyana hokʋt.

Tutelonomi 5:3

Chihowah yʋt pi̱ki ʋhleha ilʋppa nan itim api̱hi̱sa tok keyu; amba pishno ya̱ pishno fehna kak a tok o̱, himak nitak a̱ pi okcha̱ya hosh momʋt ilʋppa il aiashʋshke.

Choshua 1:7

Peh kʋllot chim anukfila cha, nukwia ikshot ish amosholi fehnashke; yohmi hosh nan ʋlhpisa moma an tishu Moses ʋt chim apihi̱sa tok a̱ ahah! ahnit ish holitoblashke; ilʋppa isht impak imma hokmá, ʋlhfʋbekimma hokmá nana kia chik i̱ filʋmmo kashke; chi yʋmohmi pulla hosh kanima ish a̱ya puta kʋt chim ai achukma hi oke.

Choshua 1:8

Nan ʋlhpisa holisso ilʋppʋt chitih ha̱ ik i̱ filʋmmo kashke; amba nitak micha ninak moma ka anukfihinli hosh a holihi̱so ka moma ahah! ahnit ish holitoblashke: ish yohmi hok mak osh ish ata̱ya ya̱ ish ai a̱hlicha hi okʋt, micha ish yohmi hok mak osh nana kʋt chim ai a̱hli achukma hi oke.

Choshua 24:1

Mihma Choshua ʋt Islael apehlichi moma ka hoyot Shechem a̱ ai itʋnahli cha, Islael im asʋnonchi puta, micha i̱ noshkoboka puta, micha i̱ nan apesa ʋhleha, micha okla pehlichi ʋhleha moma ka hoyo tok; mihma Chihowa itikba ya̱ hieli tok.

Choshua 8:35

Islael okla moyuma, ohoyo, ʋlla chipunta, micha hatak inla yʋt yʋmma iba takla ma̱ya hatuk aiena itikba ya̱ Choshua ʋt, Moses ʋt nana im apihi̱sa tok moyuma ka anumpa achʋfa kia ik ai it im anumpulo ka iksho ki tok.