Tutelonomi 29:6 - Chahta Holisso Holitopa 1886

⁶ Pʋska hʋchik po, micha oka pa̱ki, micha nan ishko homi nana kia hʋsh ishko tuk keyushke; yʋmohmi hosh ʋno ak osh hʋchin Chitokaka Chihowah sia ka̱ hʋsh ithaiyana chi̱ hatuk oke

Tutelonomi 29:6 Iomraidhean Croise

Eksotʋs 16:12

Islael im ʋlla ʋhleha nanuma̱hanchi ka̱ haklo lishke, im anumpulit, opiakma nipi hʋsh pa chi̱ hoke; mikmʋt onnahinlikma pʋska hʋchi kaiya chi̱ hoke; micha ʋno hʋchin Chitokaka Chihowah sia ka̱ hʋsh ithaiyana chi̱ hoke, ish achashke, achi tok.

Eksotʋs 16:35

Mihma Islael im ʋlla ʋhleha hʋt manna ʋpʋt itanowa na, afʋmmi pokoli ushta hosh, okla aiasha yakni yo̱ ʋla tok: manna ʋpʋt itanowʋt Kenan yakni aiʋhli ya̱ ona tok.

Numbas 16:14

Micha pishukchi, micha foi bila ayanahanli yakni isht chik pimoshke, micha osapa micha pa̱kʋpi ahollokchi ibai asha he a̱ chik pimo ki̱shʋshke; hatak ilʋppa puta nishkin a̱ ish kocha wehla hinla cho̱? il ona he keyu hoke, achi tok.

Numbas 20:8

Tʋbi ya̱ ishi cha okla hoyot ish itʋnahlashke, chishno micha chitibapishi Alon ita tuklo kʋt, micha nishkin itikba tʋli chito ya̱ hʋsh im ai anumpulashke; mikma im oka ya̱ kohchicha chi̱ hoke; mihma tʋli chito ak o̱ akohchit oka ish imashke; yohmi hosh okla moma, micha i̱ nan ʋlhpoba aiena ka̱ nan ishko hʋsh imashke, im achi tok.

1 Kolinhlian 10:4

Mihmʋt nan ishko shilombish imma a miha chʋfa ho̱ momʋt ishko tok. Tʋli chito shilombish imma yʋmmak ash okla ai ishko tok a̱ yʋmmak ash ot iakaiya tok oka; yohmi ma Tʋli chito yʋmmʋt Klaist mak atok oke.

1 Kolinhlian 9:25

Yohmi ka hatak moma kʋt i̱ shahlicha he ahnit ile lushummi hokʋto, yʋmmʋt nana moma ka il ai oktampli hoke. Yohmi kʋt iachuka okpula hi o̱ isha chi̱ kʋt, okla ilʋppak o̱ yakohmi hoke: pishno yokʋto nan okpula he keyu kak oke.

Efeshan 5:18

Micha oka homi isht ik hʋchi hakso, yʋmmʋt im ila̱yak isht yopomo yoke; amba Shilombish ak o̱ isht hʋchi alotowashke.

Tutelonomi 2:33

Mihma pin Chitokaka Chihowah yʋt pi tikba ya̱ pibbak a̱ fohki tok; mihma yʋmma micha ushi ʋhleha, micha im okla moma aiena ka̱ issot e kanchi tok.

Tutelonomi 29:7

Atuk osh ilʋppa hʋsh la ma, Heshbon i̱, mi̱ko Sihon, micha Bashan i̱ miko Ok ita tuklo kʋt kohchʋt pi̱ sanalit pitibi tok; mikma issot e kanchi tok.

Tutelonomi 3:3

Yohmi hosh pin Chitokaka Chihowah yʋt Bashan i̱ mi̱ko Ok ak kia micha im okla moma ka̱ pibbak fohki tok; atuk o̱ issot e kanchi na, i̱ hlakofi kʋt iksho tok.

Tutelonomi 3:6

Micha Heshbon i̱ mi̱ko Sihon a tok a̱ chohmichit ishit kanchit, il ʋmohmichi tok, tʋmaha holihta puta hatak, micha ohoyo, micha ʋlla ʋhleha aiena ka̱ ishit kanchit il ʋmohmichi tok.

Tutelonomi 8:3

Micha chi chu̱kʋsh akanlusechit chi hohchʋfochi mʋt, ish ithana tuk keyu ho̱, micha chi̱ki ʋhleha hʋt ithana tuk keyu ho̱, manna ya̱ chipi̱hinta tok; yohmi kʋt pʋska ak illa ho̱ hatak ʋt okcha̱ya he keyu, amba Chihowah im anumpa itih ha̱ akohoncha puta kak o̱ hatak ʋt isht okcha̱ya ka̱, Chihowah yʋt chithʋnancha chi̱ ha tok.