Tutelonomi 29:5 - Chahta Holisso Holitopa 1886

⁵ Mikma afʋmmi pokoli ushta ho̱ yakni haiaka ya̱ hʋchi pehlichit a̱ya li tuk oke; micha nafohka hʋsh foyuka kʋt tahʋt ishtia keyu, mikma shulush chiyi isht ish holo kʋt tahʋt isht ik aiyo tuk oke.

Tutelonomi 29:5 Iomraidhean Croise

Atʋloa 78:24

Ʋpa chi̱ ka̱ manna ya̱ et on umbʋchi hosh, ʋba tanchi yo̱ okla ha̱ et ima tuk okak ʋttok oke.

Eksotʋs 6:7

Micha ʋm okla hʋchia ha chi̱ ho̱ hʋch ishe la chi̱ hoke: micha hʋchin Chitokaka sia ha chi̱ hoke: micha ʋno ak osh Chihowah hʋchin Chitokaka sia hosh Echip i̱ naweki nutaka ya̱ hʋchi kohchi le tuk a̱, hʋsh ithana chi̱ hoke.

Eksotʋs 7:7

Mihmʋt Falaoh ha̱ im anumpulit okla mʋt, Moses ʋt afʋmmi pokoli untuchinakma. Alon ʋt afʋmmi pokoli untuchina akucha tuchina ha tok.

Numbas 14:33

Mikma hʋchim ʋlla ʋhleha hʋt afʋmmi pokoli ushta ho̱ yakni haiaka ya̱ ai itʋnowʋt hʋsh haui puta kʋt ʋt onʋtoyula na hʋchi haknip ʋt yakni haiaka ya̱ ataha chi̱ hoke.

Mahlu 10:10

Anonti nowʋt hʋsh a̱ya hokʋt bahta kia, ilefoka lumbo tuklochit, shulush aiena ma tuklochit, tʋbi nana kia hʋch ik iesho kashke; hatak toksʋli yʋt ilhpita he ak o̱ ʋlhpesa hoka.

Tutelonomi 1:3

Atuk o̱ yakohmi tok; afʋmmi ont ishit pokoli ushta, hʋshi ont ishit auahachʋfa, nitak ʋmmona ma, Moses ʋt Islael im ʋlla ʋhleha ha̱, Chihowah yʋt nanʋlhpisa imma ima tuk mak o̱, moma ka̱ im anumpuli tok.

Tutelonomi 8:2

Mikmʋt chu̱kʋsh akanlosecha chi̱ hosh, micha im anumpa ha̱ ish iesha chi̱ hokmá, keyu hokmá, nana ka̱ chi chu̱kʋsh foyuka ka̱ akostinincha chi̱ hosh, imomaka chi pesʋt afʋmmi pokoli ushta ilʋppa yakni haiaka hina hlopulli moma ka̱ chin Chitokaka Chihowah yʋt chisht a̱ya tuk a̱ ish ithaiyanashke.

Tutelonomi 8:3

Micha chi chu̱kʋsh akanlusechit chi hohchʋfochi mʋt, ish ithana tuk keyu ho̱, micha chi̱ki ʋhleha hʋt ithana tuk keyu ho̱, manna ya̱ chipi̱hinta tok; yohmi kʋt pʋska ak illa ho̱ hatak ʋt okcha̱ya he keyu, amba Chihowah im anumpa itih ha̱ akohoncha puta kak o̱ hatak ʋt isht okcha̱ya ka̱, Chihowah yʋt chithʋnancha chi̱ ha tok.

Tutelonomi 8:4

Afʋmmi pokoli ushta ilʋppa chi̱ na fohka yʋt chin taha tok keyu, micha chiyi yʋt shatali tok keyushke.

Choshua 9:13

Oka pa̱ki i̱ kotoba puta ilʋppa il alotuli mʋno himona tok; atuk osh yakeh! hlilahlishke: micha pi̱ nafohka ilʋppa puta, micha pi̱ shulush puta aiena kʋt, hopaki fehna e nowa hatuk o̱ hlipʋt tahʋshke, okla im achi tok.

Choshua 9:5

Micha shulush sipokni ʋlhkʋta ishit hoyolo, micha nafohka sipokni isht foyuka tok: mikmʋt pʋska il atahli tuk moma kʋt shilʋt bokbokit taha tok.