Tutelonomi 29:4 - Chahta Holisso Holitopa 1886

⁴ Yohmi kia Chihowah yʋt chu̱kʋsh nan isht akostininchi, micha nishkin isht pisa, micha haksobish isht haponaklo ya̱ ik hʋchimo tok, himak nitak ant ʋhlishke.

Tutelonomi 29:4 Iomraidhean Croise

Eksotʋs 16:35

Mihma Islael im ʋlla ʋhleha hʋt manna ʋpʋt itanowa na, afʋmmi pokoli ushta hosh, okla aiasha yakni yo̱ ʋla tok: manna ʋpʋt itanowʋt Kenan yakni aiʋhli ya̱ ona tok.

Chan 8:43

Nanta katiohmi ho̱ ʋm anumpa ha̱ hʋch ik sʋm akostinincho cho? ʋm anumpa ha̱ haponaklo ik hʋchi bʋnno kak okʋt,

2 Kolinhlian 3:15

Yohmi ka himak ak kia Moses a̱ ai itim anumpuli ka, nan ompoholmo yashot i̱ chu̱kʋsh a̱ on hlipia hoke.

Efeshan 4:18

Im anukfila okhlili, micha chu̱kʋsh ʋt okpulo fehna hatuk osh, nana ik ithano anukfo̱ka kak osh, Chihowa im ai okcha̱ya i̱ filʋmmit yoshubʋt a̱ya;

Tutelonomi 2:30

Yohmi tuk kia Heshbon i̱ mi̱ko Sihon ʋt ant ik hlopulli, ik pim ahno tok; Chin Chitokaka Chihowah yʋt imi shilombish a̱ kʋllochi tok, micha chu̱kʋsh a̱ kʋllochi tok oka; yʋmmʋt chibbak a̱ fohka chi̱ kak atok, himak nitak kia yʋmohmishke.

Tutelonomi 2:7

Hʋchin Chitokaka Chihowah yʋt chibbak na hʋsh toksʋli puta ka̱ na hʋchi yukpali tuk oka: yakni haiaka chito ilʋppa hlopullit hʋsh itʋno̱ho̱wa ka̱ ithana hoke; afʋmmi pokoli ushta ilʋppak ash chin Chitokaka Chihowah yʋt chiba foyuka tuk oke: nana ik chim iksho kit iksho tuk oke, achi tok.

2 Timohli 2:25

Im anukfila yohbi hosh ʋbanumpa i̱ sanali ʋhleha yoka nan im abʋchi ʋlhpesa; yohmik mak o̱ Chihowa hʋt nukfohki na ile kostininchit, ʋbanumpa ai a̱hli ka achukmalit ithana yoba ná: