Tutelonomi 29:10 - Chahta Holisso Holitopa 1886

¹⁰ Himak nitak a̱ hʋsh moma kʋt hʋchin Chitokaka Chihowah itikba ya̱ hʋsh hielishke, hʋchim apehlichi puta i̱ kʋpotʋni ʋhleha, hʋchim asʋnonchi ʋhleha, micha na hʋchim ʋlhtoka ʋhleha Islael hatak ʋhleha moma aiena,

Tutelonomi 29:10 Iomraidhean Croise

Tutelonomi 29:11

Hʋchim ʋlla ʋhleha, hʋchi tekchi ʋhleha, micha chim okla inla ʋhleha hosh chi̱ binah ha̱ aiasha ya̱ aienʋt iti chin chanli ʋttʋt ia hosh, oka chim ochi ont ʋhli ya̱ aienʋt hʋsh hieli kʋt;

Tutelonomi 29:9

Yʋmohmi hoka anumpa nan itim apesa ilʋppa hʋsh ieshi cha, hʋsh yʋmihchashke; yʋmohmi hosh nana hʋsh yʋmihinchi moma kʋt hʋchim aia̱hli hʋchim achukmashke.

Tutelonomi 4:10

Micha Holeb a̱ hʋchin Chitokaka Chihowah itikba ya̱ hʋsh hieli tok nitak fehna ka̱ hʋsh ithanashke; Chihowah yʋt ʋm achi mʋt, Okla ha̱ is sʋm ai itʋnahlashke, mikma ʋm anumpa ha̱ haklochi lashke, yohmi ho̱ nitak moma okcha̱yʋt yakni paknaka aiasha takla kʋt, a̱ nukwia he osh ithana cha, im ʋlla ʋhleha ha̱ im abʋchashke, achi tok.

Choshua 8:35

Islael okla moyuma, ohoyo, ʋlla chipunta, micha hatak inla yʋt yʋmma iba takla ma̱ya hatuk aiena itikba ya̱ Choshua ʋt, Moses ʋt nana im apihi̱sa tok moyuma ka anumpa achʋfa kia ik ai it im anumpulo ka iksho ki tok.

Choshua 9:21

Micha holitompa ʋhleha hash osh, Ik okcha̱yá, holitompa ʋhleha hʋt i̱ miha tuk oka: amba okla moma ka iti in chanli, micha oka im ochi aiena kʋt tobashke, im achi tok.

Nan Otʋni 20:12

Yohmi ma illi, ik alauwo, micha i̱ shahli pit aiena kʋt ai o̱ binili holitopa itikba hiohma̱ya ka pisa li tok; yohmi ma holisso puta kʋt wakama tok; anonti holisso inla, yʋmmak osh holisso ai okcha̱ya mak osh wakama tok: mihma illi yash ot ilap nana a kaniohmi tuk puta, yʋmmʋt holisso ha̱ a holihi̱so tok ilʋppa puta ho̱ isht ai im ʋlhpihi̱sa tok.

Nan Otʋni 6:15

Mihma mi̱ko ʋhleha yakni pakna ai asha tuk, micha hatak hochitokaka ʋhleha, mikma hatak nan in laua ʋhleha, kʋpitʋni hochito, hatak holitompa ʋhleha, mikmʋt hatak yuka, micha hatak yuka keyu puyuta kʋt nʋnih chaha puta tʋli hochito aiena ka chiluk ai asha tuk a̱ a lumpoa tok.

1 Samuel 3:21

Mihma Chihowa ʋt Samuel a̱ anonti Shiloh ya̱ ai i̱ haiaka tok: Chihowa ʋt Shiloh ya̱ ai im ile haiakʋchit; Chihowa im anumpa isht im ile haiakʋchi tok oke.

1 Samuel 4:1

Mihma Samuel im anumpa hʋt Islael moma ka im ona tok. Mihma Islael ʋt Filistin okla ha̱ itiba chi̱ hosh kohchʋt ia cha, Ebenese bili̱ka binachi tok: mihma Filistin okla hʋt Afek ak o̱ binachi tok.