Tutelonomi 28:9 - Chahta Holisso Holitopa 1886

⁹ Chihowah yʋt anumpa kʋllo chim ilono̱honchi tok mak osh, chin Chitokaka ya̱ im anumpa ish ieshi cha, i̱ hina ya̱ ish itanowakma, im okla i̱ holitopa kʋllo hosh chikba hi oke.

Tutelonomi 28:9 Iomraidhean Croise

Genesis 17:7

Micha ʋno ʋt chishno, micha chim ishtatiaka et chiakaiya aiena kʋt ai itishalit mihinti ka̱ nana itim apesa bilia mak o̱, kʋllochit chitim apesa lish, chishno, micha chim ishtatiaka et chiakaiya aiena ka̱ in Chitokaka sia ha chi̱ hoke.

Atʋloa 87:5

Micha Saion ak okʋno, “Hʋttak ʋt ittiakayʋt yʋmmak o̱ ai ʋtta tuk oke,” acha hi oke; mikma̱ Chaha i̱ Shahli ʋt ilap ak osh kʋllochit hilecha hi oke.

Eksotʋs 15:26

Micha Hʋchin Chitokaka Chihowah im anumpa ha̱ achunanchit hʋsh i̱ haponaklo cha, itikba ya̱ ai ʋlhpiesa kak o̱ yʋmihinchit, im anumpa ʋlhpisa ha̱ hʋsh i̱ haponaklot, i̱ nanʋlhpisa puta ka̱ hʋsh holitoblikma ililli ilʋppa puta ka̱ Echip okla ha̱ onochi li tok ʋt hʋchi onochi la he keyu hoke; Chihowah sia hosh hʋchi hlakofichi li hoka, achi tok.

Tutelonomi 13:17

Mikma nana achʋfa nana kia kʋllakshi yash osh chibbak a̱ foyuka he keyu hoke: yʋmohmi ho̱ Chihowah yʋt chi̱ki ʋhleha ha̱ anumpa kʋllo im il onochi tok mak osh, ai im i̱ nukkilli libbi ka̱ shʋnaiachi cha, chi̱ nukha̱klot heh chi ahni cha,

Tutelonomi 7:6

Chin Chitokaka Chihowah ya̱ im okla holitopa chia hoka; chin Chitokaka Chihowah yʋt okla moma yakni paknaka aiasha ka̱ i̱ shahlit immi atokowa chia ha chi̱ ho̱ atokolit chishi tok.

Tutelonomi 7:8

Amba Chihowah yʋt hʋchi̱ hullo kak a tok, micha hʋchi̱ki ʋhleha anumpa kʋllo im ilonochi tok ʋt a̱hlicha he ahni pulla kak osh, ibbak kʋllo hosh pehlichit hʋchi kohchi tok oke; micha hatak yuka hosh aboha hʋsh aiasha tuk a Echip i̱ mi̱ko Falaoh ibbak a̱ kohchit hʋchi okchalinchi tuk oke.

2 Hlessalonian 3:3

Yohmi kia Chitokaka yʋt na mihʋt ai a̱hlichi, yʋmmak osh hʋchi hlampkochi cha, nan okpulo ya̱ hʋchi a filʋmmichit hʋch iesha hi oke.

Titus 2:14

Yohmi kʋt yʋmmak ash osh ai ashʋchika puta ka a pi hlakofihinchi cha, pi kashofi na ilap immi okla holitopa fehna e toba cha, nan toksʋli achukma puta ka a yiminta hosh isht il ahanta he mak o̱, pi ʋlhtoba hosh illi tok.

1 Pita 5:10

Amba Chihowa isht i̱ kana chinto yʋmmak osh Chisʋs Klaist ha tok pulla mak o̱ ilap isht aholitopa bilia yoka il esha he mak o̱ pi atokoli tok ʋt, yakosi itin takla hʋsh ilbaha̱sha ha yak o̱, ai a̱hlichit kʋllochit hilechit, hlampkohonchit, chu̱kʋsh fitikʋchi iksho ho̱ hʋchi anukfokihinchashke.