Tutelonomi 28:6 - Chahta Holisso Holitopa 1886

⁶ Ant ish chukowakmʋt na chi yukpa hi oke, micha ish kohchakmʋt na chi yukpa hi oke.

Tutelonomi 28:6 Iomraidhean Croise

2 Samuel 3:25

Ne ushi Abne ya̱ ish im ithanʋshke, yʋmmʋt chi haksichit, kohchʋt ish ia, micha ant ish chukowa aiena, micha nana ish kaniohmi moma ka akostinincha chi̱ hosh ʋla tuk oke, achi tok.

Atʋloa 121:8

Himak ai ʋlhit a billia ka̱, kohchʋt ish i̱hi̱yah, micha ant ish chukko̱ho̱ah aiena ka̱ Chihowa hʋt chi hʋllʋlla chi̱ hoke.

Numbas 22:12

Mihma Chihowah hʋt Balaam a̱, Awant ish ia he keyu; anumpa kalakshichi ish onocha he keyu; holitopa hoka, im achi tok.

Numbas 27:17

Yʋmmak osh itikba kohchʋt ihi̱ya, micha yʋmmak osh itikba ont chukoho̱wa, micha yʋmmak osh pehlichit kohoncha, micha yʋmmak osh pehlichit chukowʋt ahantashke, yʋmohmi ho̱ Chihowah im okla moma yʋt chukfi yosh apistikeli iksho yo̱ ik chohmo kashke, im achi tok.

Tutelonomi 28:19

Ant ish chukowakmʋt chi kallaksha hi oke, micha kohchʋt ish iakmʋt, chi kallaksha hi oke.

Tutelonomi 28:5

Chi̱ kishi micha ta̱pʋshi chim a yamʋska yʋt na yukpashke.

Tutelonomi 28:7

Chin tʋnʋp chi̱ sanalit wakaya ʋhleha ha̱ chin Chitokaka Chihowah yʋt chi nashuka itikba akakohʋcha hi oke; hina achʋfa ho̱ minti tuk kia, hina untuklo ho̱ chi tikba yihlepa hi oke.

Tutelonomi 31:2

Micha himak nitak a̱ afʋmmi tahlepa cha, pokoli tuklo li hoke; himakma kuhchʋt iʋt, ant chukowa la he keyu hoke; micha Chihowah yʋt Chatan ilʋppa ish hlopulla he keyu, a̱ miha ha tuk oke;