Tutelonomi 28:4 - Chahta Holisso Holitopa 1886

⁴ Chi haknip a toba tuk, micha chi̱ yakni a waya tuk, micha chi̱ nanʋlhpoba a waya tuk, micha chi̱ wak tek a waya tuk, micha chin chukfi a̱ya puta aiena kʋt na yukpa hi oke.

Tutelonomi 28:4 Iomraidhean Croise

Genesis 22:17

Nayukpa̱hanlit chi yukpali la hi oke, micha chim ishtatiaka ya̱ apaknʋchi hokʋno apakna̱hanchit ʋba fochik a̱ choyuhmichi likmʋt, okhʋta ʋhli shinuk aiasha kak o̱ choyuhmichi la hi oke; mikma chim ishtatiaka yʋt in tʋnʋp i̱ holihta okhissa ya̱ iesha hi oke.

Genesis 39:5

Atuk o̱ yakohmi tok, in chuka achʋfa, micha nana moma im a̱sha tuk ʋt apesʋchi ikbi tok nitak itin takla ma, Chihowah yʋt Chosef ak atuk pulla mak o̱, Echip hatak ash in chuka achʋfa ya̱ yukpali tok: micha Chihowah nan ishit yukpali ʋt nana moma chuka aiasha, micha osapa aiasha ka̱ onʋtoyula tok.

Genesis 49:25

Chi̱ki in Chitokaka, yʋmmak osh chi apelahancha chi̱ ka̱, micha Nan im aia̱hli ataha iksho, yʋmmak osh ʋba nan‐isht‐aiyukpa, micha ahofobi nan‐isht‐aiyukpa nutaka aiasha yo̱, micha ipi̱shik nan‐isht‐aiyukpa, micha im oshʋtto nan‐isht‐aiyukpa ishit chi yukpala chi̱ ka̱ ibbak shakba yʋt ishit kʋllo tuk oke.

Atʋloa 107:38

Mikma̱ yokpali na, oklah apaknah fehnakma̱, i̱ nan ʋlhpoa ma̱ ik ʋlawechot isht im iah keyushke.

Atʋloa 127:3

Yakeh, ʋlla ʋhleha hʋt nan immi Chihowa a minti yoke; ushʋto a minti yak osh nan isht ʋlhtoba yoke.

Atʋloa 128:3

Yohmi ka̱ chit tekchi ʋt pa̱kkʋpi wayah achukma yak o̱ chohmit chi̱ chukka anu̱kaka a̱ha̱tta ho̱, chim ʋlla ʋhleha hʋt alif ʋlhpoa puttah chohmit chim aiimpa ya̱ ʋpakfoiyupa kak oke.

Lefitikʋs 26:9

Hʋch ithaiyana lish hʋchi wayachit hʋchi apaknʋchi la hi oke, micha ʋm anumpa kʋllochit na hʋchitim apesa la hi oke.

Tutelonomi 28:11

Yakni ya̱ chima chi̱ hosh chi̱ki ʋhleha ha̱ anumpa kʋllo im ilonochi tok ʋt, Chihowah yʋt chim ʋlhpoyak, chi haknip a toba, micha chi̱ nan ʋlhpoba a waya, micha chi̱ yakni a waya aiena ka̱ a chi lauacha hi oke.

Tutelonomi 28:18

Chi haknip a toba tuk, micha chi̱ yakni a waya tuk, micha chi̱ wak tek a waya tuk, micha chin chukfi ʋlhpoa a̱ya puta aiena kʋt kallaksha hi oke.

Tutelonomi 28:3

Tʋmaha holihta ya̱ na yukpʋt a chi onʋtoyula hi oke, osapa na yukpa ʋt chi onʋtoyula hi oke,

Tutelonomi 28:5

Chi̱ kishi micha ta̱pʋshi chim a yamʋska yʋt na yukpashke.

Tutelonomi 7:13

Micha chi holitobla hi oke, micha chi yukpala hi oke; micha chi apaknʋcha hi oke; micha chim oshʋto awaya, micha chi̱ yakni awaya, chim onush, micha chim oka pa̱ki, micha chi̱ bila, chi̱ wak awaya, micha chi̱ nanʋlhpoa chipunta puta aiena ka̱, yakni yo̱ chima he yash chi̱ki ʋhleha ha̱ anumpa kʋllo im ilonochi tok ʋt a na chi yukpa lashke.

1 Timohli 4:8

Haknip nan isht ʋtta isht ai achukma hokʋto mishema he keyu hoke: amba Chihowa holitobli nana moma ka isht im ai achukma kʋt, yakni paknaka nan ai isht ai yukpa, micha yakni inla ʋla he mihinti ita tuklo ka isht ai yukpa he im issa hoke.