Tutelonomi 28:21 - Chahta Holisso Holitopa 1886

²¹ Chihowah yʋt ililli okpulo ya̱ chi atakalichikma, yakni ish isha chi̱ kash osh yʋmma ont a chi taha hi oke.

Tutelonomi 28:21 Iomraidhean Croise

2 Samuel 24:15

Yohmi ho̱ Chihowa ʋt Islael a̱ ililli okpulo et onochi na onnahinli yo̱ isht ia mʋt, nitak ʋlhpisa tuk ont ai ʋlhpiesa tok: mihma okla illi kʋt Tan ʋttʋt iʋt Bee‐sheba ont ʋhli ka hatak tahlepa sipokni pokoli untuklo tok.

1 Mi̱ko 8:37

Yakni yash hohchʋfo, ililli, shulla, lakna, ha̱wa, keyukmʋt shu̱shi nan‐tahli kanima kia aiashakma, in tʋnʋp ʋt itikonofichit apakfoyupakma, nan‐ililli nana kia, abeka nana kia aiasha na,

Eksotʋs 5:3

Mihma Heblu in Chitokaka yʋt pi afama tuk oke; e chim asilhhʋshke, iʋt nitak tuchina anowa yakni haiaka ya̱ il ona cha, pin Chitokaka Chihowah ya̱ ʋbit aiokpʋchi il im issashke; ililli okpulo micha bʋshpo falaia aiena ishit pi fa̱ha̱ma yoba na: achi tok.

Lefitikʋs 26:25

Micha a̱ nan ʋlhpisa ha̱ i̱ sanali tuk a̱ ilaiokha chi̱ ka̱ bʋshpo falaia ya̱ hʋchi onochi la hi oke; mikma hʋchin tʋmaha holihta anu̱ka itahobʋt hʋsh itʋnahakma, ililli hʋchi onochi la hi oke, mikma tʋnʋp ibbak hʋsh fohka hi oke.

Numbas 14:12

Ililli okpulo isht issot kanchi lish, ai isha he ʋlhpesa im ishi lashke, micha chishno ak o̱ oklushi chito micha kʋllo yʋmma i̱ shahli ka̱ chi ai ikbi lashke, achi tok.

Numbas 25:9

Mihma ililli okpulo isht illi kʋt tahlepa sipokni pokoli tuklo akucha ushta tok.

Mahlu 26:7

Ohoyo pa̱sh‐ahama holitompa fehna alabasta itombu shi achʋfa ho̱ ishi kʋt im ona mʋt, impa hosh a̱sha ma, noshkobo a̱ ont o̱ fohobli tok.