Tutelonomi 28:2 - Chahta Holisso Holitopa 1886

² Mikma chin Chitokaka Chihowah im anumpa ha̱ ish i̱ haponaklokma, na yukpali ilʋppa puta moma kʋt chi sakki cha chi onʋtoyula hi oke.

Tutelonomi 28:2 Iomraidhean Croise

Atʋloa 128:4

Yakeh, hʋttak kʋna hosh Chihowa ha̱ i̱ nukshopakmʋt, yakohmit na̱ yokpa yoke.

Tutelonomi 11:27

Nan ishit yukpa, hʋchin Chitokaka Chihowah im anumpa himak nitak a̱ hʋchim anumpo̱honli li ka̱ hʋsh im antiakmʋt;

Tutelonomi 28:15

Amba yakohma hi oke, chin Chitokaka Chihowah im anumpa ha̱ ish i̱ haponakla he keyukma, im anumpa moma, micha i̱ nan ʋlhpisa bilia himak nitak a̱ chim anumpohonli li ka̱ ithaiyanʋt ish yʋmihcha he keyukma, na kallakshi ilʋppa puta kʋt chi onʋtula hi oke, micha chi sakka hi oke.

Tutelonomi 28:3

Tʋmaha holihta ya̱ na yukpʋt a chi onʋtoyula hi oke, osapa na yukpa ʋt chi onʋtoyula hi oke,

Tutelonomi 28:45

Micha na kallakshi ilʋppa puta moma kʋt chi onʋtula hi oke; micha chiakaiyʋt chi sa̱ha̱kki na, ont chi taha hi oke; chin Chitokaka Chihowah im anumpa ha̱ haponaklot, im anumpa ʋlhpisa, micha i̱ nan ʋlhpisa bilia chi̱ miha tok a̱ chik holitoblo tok oka.

1 Timohli 4:8

Haknip nan isht ʋtta isht ai achukma hokʋto mishema he keyu hoke: amba Chihowa holitobli nana moma ka isht im ai achukma kʋt, yakni paknaka nan ai isht ai yukpa, micha yakni inla ʋla he mihinti ita tuklo ka isht ai yukpa he im issa hoke.