Tutelonomi 28:10 - Chahta Holisso Holitopa 1886

¹⁰ Mikma okla moma yakni paknaka aiasha kʋt Chihowah hohchifo ak o̱ ishit chi hohchifo ka̱ ithaiyana hi oke; micha chi̱ nukshopa hi oke.

Tutelonomi 28:10 Iomraidhean Croise

Eksotʋs 12:33

Mihma Echip okla hʋt anukwa̱yʋt yakni kohcha chi̱ ka̱ okla ha̱ im acheba fehna tok; momʋt illit pi taha chi̱shke, achi hatuk okʋt.

Eksotʋs 14:25

Micha tʋnʋp im itichanʋlli chʋnaha ya̱ shu̱fi na, shalʋllit weki tok; yohmi ma Echip okla hʋt Islael ʋhleha i̱ filʋmmit eho tihlaiyashke, Chihowah yʋt Echip okla ha̱ i̱ sanalit im itibi hoka, achi tok.

Numbas 6:27

Micha sa hohchifo ha̱ Islael im ʋlla ʋhleha ha̱ onocha hi oke, mikma yukpali la hi oke, achi tok.

Apostel isht Anumpa 15:17

Yʋmmʋt hatak a kashampa, micha okla nan ik ithano ʋhleha moma sa hohchifo ha̱ isht a hohchifo tuk puta kʋt, Chitokaka ya̱ okla hoho̱ya chi̱ ka, yʋmmak osh na yakohmi moma ka yʋmihchi mak osh Chitokaka yʋt achishke; achi holisso tok a̱.

Tutelonomi 11:25

Hatak nana kia hʋchi tikba ya̱ hikia he keyu ka chi̱ hoke; hʋchin Chitokaka Chihowah yʋt hʋchim achi tuk mak osh, yakni hʋsh ano̱ho̱wa moma ka̱ hʋchi̱ nukshopa, micha hʋchi̱ komunta aiena ka̱ onocha chi̱ hoke.

Tutelonomi 2:25

Himak nitak a̱ oklushi puta shutik nutaka aiasha kʋt, chi annowa ka̱ haklo puta ka̱ chi̱ komunta, micha chi̱ nukshopa onochit ishtia likma, chishno pulla kak o̱ wʋni̱hinchi cha, komi̱hincha chi̱ hoke, achi tok.

Choshua 5:1

Atuk o̱ yakohmi tok, Amolait okla i̱ mi̱ko ʋhleha Chatan hʋshi ai okatula imma aiasha tuk, micha Kenanait okla i̱ mi̱ko ʋhleha okhʋta lapalika ai asha tuk aiena kʋt, Chihowa ʋt Chatan oka ya̱ Islael im ʋlla ʋhleha itikba ya̱ a shilelit tahli na tanʋblit e taha tuk a̱ haklo mʋt, chu̱kʋsh ʋt bihinla tok; micha Islael im ʋlla ʋhleha hak a tok pulla mak o̱ himmakma hatak nana kia chilitʋt im anukfila kʋt iksho kamohmi tok.

Nan Otʋni 3:9

Kanima kʋt mih mak o̱ keyu kʋt, Chu mak o̱ ile mihʋt holabi ʋhleha hʋt Setan i̱ sinakak atuk a̱ atokolit anoli la chi̱ hoke: yakeh! yʋmma puta kash ot chiyi ituma ya̱ ai ʋlʋt ant aiokpʋchi hosh, ʋno ʋt chi̱ hullo li hatuk a̱ akostinincha hi a̱ im anukfilli la chi̱ hoke.