Tutelonomi 28:1 - Chahta Holisso Holitopa 1886

¹ Atukma yakohma hi oke, chin Chitokaka Chihowah im anumpa ha̱ achunanchit ish i̱ haponaklo cha, im anumpa moma ka̱ himak nitak a̱ chi̱ miha li ka̱ ithaiyanʋt ish yʋmihinchikma, chin Chitokaka Chihowah yʋt oklushi moma yakni paknaka ai asha ka̱ i̱ shahlechit a chaha ka̱ chi binilicha hi oke.

Tutelonomi 28:1 Iomraidhean Croise

Atʋloa 106:3

Nan ʋpesa tok a̱ hulittobli ʋhleha hʋt nittak aiyukali ka̱ ai ʋlhpiesa yʋmihchi ʋt na̱ yokpa hoke.

Atʋloa 111:10

Hupoyuksʋt isht ia kʋt Chihowa i̱ nukshopa yak oke; yʋmma̱ putta ka̱ yʋmihchi moma kʋt nan ʋkostininchih achukma yoke; Chihowa hulittoblichi ʋt abillia hoke.

Atʋloa 119:128

Nanah poiyutta ka̱ nan ish ai ʋpesa moma ka̱ ʋlhpesah ahni li hatuk osh, ata̱ya hulabi aiyuka kʋno shittilema li hoke.

Atʋloa 119:6

Chim ʋnnumpah ʋlhpisa moma ka̱ ahninchi li hokmak osh, sʋ hofahya he keyu hoke.

Atʋloa 148:14

Micha im okla ha̱ lʋpish wʋkayʋchit i̱ hilechi tuk oka̱, i̱ hulittopa ʋhlehah moma, Islael im ʋlla ʋhleha i̱ bili̱ka aiyasha okla hokʋt huletublicha hi ʋt im ai ʋlhpiesa hoke. Chihowa ha̱ hu holittoblichíh.

Atʋloa 91:14

“Si ʋsittia hoka̱, hlʋkuffiche la chi̱ hoke; sʋ hohchifo ha̱ ithana hoka̱, achahaka binnilechi la chi̱ hoke.

Eksotʋs 15:26

Micha Hʋchin Chitokaka Chihowah im anumpa ha̱ achunanchit hʋsh i̱ haponaklo cha, itikba ya̱ ai ʋlhpiesa kak o̱ yʋmihinchit, im anumpa ʋlhpisa ha̱ hʋsh i̱ haponaklot, i̱ nanʋlhpisa puta ka̱ hʋsh holitoblikma ililli ilʋppa puta ka̱ Echip okla ha̱ onochi li tok ʋt hʋchi onochi la he keyu hoke; Chihowah sia hosh hʋchi hlakofichi li hoka, achi tok.

Eksotʋs 23:22

Amba im anumpa ha̱ ish im antia cha, anumpohonli li moma ka̱ ish yʋmihchi ho̱ mʋhlikma, chin tʋnʋp ʋhleha ha̱ in tʋnʋp sia ha he; micha chi̱ sanali ʋhleha ha̱ i̱ sanali sia ha hi oke.

Eksotʋs 23:25

Micha Chihowah hʋchin Chitokaka ya̱ hʋsh im antia hi oke; mikma hʋchi̱ pʋska, micha hʋchim oka hʋchim apaknʋcha hi oke; mikma ʋno ʋt hʋchim itin takla ya̱ abeka ha̱ ai isht kanchi la hi oke.

ʋBanumpa Luk Ʋt Holissochi Tok 1:6

Mihi yosh yʋmmʋt tu̱klot Chihowa yʋt pi̱sa ho̱ aia̱hli biekʋt, anumpa ʋlhpisa puta, mikmʋt nan‐ʋlhpisa ilaiyuka Chihowa yʋt apihi̱sa tok a̱ moma ka i̱ shanaiya iksho hosh aha̱shwa tok.

ʋBanumpa Luk Ʋt Holissochi Tok 11:28

Yohmi kia yʋmmak ash ot, A̱hli, na‐yukpa aia̱hli kʋto Chihowa im anumpa ha̱ haklo cha, im antia hak oke, achi tok.

ʋBanumpa Luk Ʋt Holissochi Tok 9:48

Mihmʋt, Kʋna hosh ʋlla ilʋppa ʋmmi hohchifo ho̱ ahninchi hokʋto, ʋno ak o̱ si ahninchi hoke: mikmʋt kʋna hosh ʋno a̱ si ahninchi hokmʋt, yʋmmʋt auet sa kanchi tok ma pit ahninchi hoke: kanima hosh moma ik a lauwo kʋt hʋchi takla ahanta hokʋto, mihi yosh moma i̱ shahla hi oke, im achi tok.

Chan 15:14

Nana ho̱ hʋchim apesa li ka hʋsh yʋmohmi hokmʋt, a̱ kana hʋchia mak oke.

Loman 2:7

Yohmi kʋt kʋna hosh nuktaiyalʋt achunanchit nan achukma yʋmohmi kʋt, isht a holitopa, micha isht annoa achukma, micha isht ai illa he keyu hoho̱yo hokʋno isht ai okcha̱ya bilia he im apesa hi oke.

Kaleshan 3:10

Ʋba nan ʋlhpisa anukchieto aiyuka hokʋto, na hotopa anumpa hʋt onʋtonla bieka hoka: holisso kʋt, Kʋna kia ʋba nan ʋlhpisa holisso atakali puta ka achunanchit ik im antio aiyuka hokʋno, na hotopa anumpa hʋt onʋtuyula hoke achi hoka,

Tutelonomi 11:13

Atukma yakohma hi oke, achunanchit ʋm anumpa himak nitak a̱ hʋchim anumpo̱honli li ka̱ hʋsh haiyaklo, hʋchin Chitokaka Chihowah ya̱ hʋsh holitobli, micha hʋchi chu̱kʋsh a̱ mominchit, micha hʋchimi shilombish ma mominchit hʋsh im antiakma,

Tutelonomi 11:27

Nan ishit yukpa, hʋchin Chitokaka Chihowah im anumpa himak nitak a̱ hʋchim anumpo̱honli li ka̱ hʋsh im antiakmʋt;

Tutelonomi 15:5

Peh chin Chitokaka Chihowah im anumpa achukmalit haponaklot, anumpa ilʋppa puta moma himak nitak a̱ chim anumpo̱honli li ka̱ ithaiyanʋt ish yʋmihchikma.

Tutelonomi 26:18

Mikma mihʋt chim issa tok mak osh himak nitak a̱, Chihowah yʋt im okla ila chia ha chi̱ ho̱ a̱hli hosh mihʋshke; mikma im anumpa moma ka̱ holitoblit ish ieshikma;

Tutelonomi 26:19

Anumpuli tuk mak osh, chi chahʋchit, ahninchit isht anumpuli ya̱ micha hohchifo ha̱, micha holitopʋt ʋmmona ka̱, oklushi puta moma ka̱ yʋmmak oka ikbi tok ʋt i̱ shahlechi ya̱ chishno ak o̱ chi i̱hi̱kbi ha tuk oke; yʋmohmi ho̱ chin Chitokaka Chihowah ya̱ okla i̱ holitopa chia ha chi̱ ha tok, im ahanchi tok.

Tutelonomi 28:13

Micha Chihowah yʋt noshkobo ak o̱ chikba hi oke, micha hasimbish ak a he keyu: paknaka ak o̱ ish bieka, ish nutaka he keyu hoke, chin Chitokaka Chihowah im anumpa ha̱ himak nitak a̱ chim anumpohonli li ka̱ i̱ haponaklot ithaiyanʋt ish yʋmi̱hinchikmʋt,