Tutelonomi 27:3 - Chahta Holisso Holitopa 1886

³ Micha chi̱ki ʋhleha in Chitokaka Chihowah yʋt mihʋt im issa tuk mak osh, chin Chitokaka Chihowah yʋt yakni chima tok; yʋmmʋt yakni pishukchi, micha foe‐bila aiena kʋt ayana̱hanli ya̱ ish chukowa chi̱ hosh ish ʋbanʋblikmʋt, nan ʋlhpisa ilʋppa moma anumpa ha̱ ish ai o̱ holissochashke.

Tutelonomi 27:3 Iomraidhean Croise

Lefitikʋs 20:24

Yʋmohmi tuk kia I̱ yakni ya̱ hʋsh aiasha hi oke, hʋchim achi li hatuk, atuk osh yakni pishukchi micha foibila aiyanahanli ya̱ hʋsh aiasha chi̱ ho̱ hʋchima la chi̱ hoke; hʋchin Chitokaka Chihowah sia hosh okla inla ya̱ hʋch iti filʋmminchi li tuk oke.

Numbas 13:27

Micha im anolit, Pit ish pi pila tuk yakni ya̱ il ona tuk, mihma pishukchi micha foi bila aiena a yanahanli kʋt aia̱hlishke; yohmi ka̱ ilʋppak osh nan awaya mak oke.

Numbas 14:8

Chihowah yʋt pi ahninchi hokmʋt, yohmikmʋt yakni ilʋppa pisht ona cha pima chi̱ hoke; yakni pishukchi micha foi bila ayanahanli yoke.

Tutelonomi 26:9

Atuk osh ilʋppa pisht ʋlʋshke, micha yakni ilʋppa, yakni pishukchi, micha foe‐bila aiena kʋt ayana̱hanli ilʋppa fehna ka̱ pimʋshke.

Tutelonomi 6:3

Yʋmohmi hoka Islael ma, ish haiyaklashke, micha ithaiyanʋt, ish yʋmihchashke; yʋmohmi hosh chi̱ki ʋhleha ha̱ in Chitokaka Chihowah yʋt achit, im issa tok mak o̱, yakni pishukchi micha foebila ayanahanli ya̱ aiasha apaknʋt isht i̱ shahli fehnʋt hʋsh ma̱ha̱yashke.

Tutelonomi 6:8

Micha nan isht atokowa yo̱ chibbak a̱ isht ish a tak chashke, micha bita hosh chi nishkin itin takla takali ka̱ chin chiyuhmashke.

Heblu 10:16

Nan it im ʋlhpisa ilʋppak o̱ nitak yʋmma i̱ himmak okʋno it im apihi̱sa likmʋt, chu̱kʋsh fehna ka a̱ nan ʋlhpisa yoka nukfohkihinchi la he, micha im anukfila fehna ka ai o̱ holissohonchi la he;

Choshua 5:6

Islael im ʋlla ʋhleha hʋt yakni haiaka itʋnoho̱wa na afʋmmi pokoli ushta tok; yohmi na hatak puta, hatak tʋnʋp a̱ya ʋlhpesa hosh Echip a̱ a kohcha tuk ʋt Chihowa im anumpa ha̱ im antia keyu hatuk osh ai iksho ki tok: yakni pishukchi, foi bila aiena bieka ai yanahanli ho̱ pima hi osh i̱ki ʋhleha ha̱ anumpa kʋllo isht il im onochi tok ʋt yʋmma puta hokʋno yakni yʋmma i̱ haiakʋcha he keyu kʋt anumpa kʋllo il onochi tok okʋt.

Choshua 8:32

Mihma Islael im ʋlla ʋhleha momʋt pi̱sa ho̱, Moses i̱ nan ʋlhpisa ya̱ tosholit tʋli atok ash o̱ a holissochi tok.