Tutelonomi 27:24 - Chahta Holisso Holitopa 1886

²⁴ Kʋna hosh in chuka abili̱ka hatak a̱ luma hosh fahamakmʋt kallakshashke: mikma okla moma kʋt, Amen, achashke.

Tutelonomi 27:24 Iomraidhean Croise

Numbas 35:31

Micha hatak ʋbi ʋt illa he ʋlhpesa ka̱ im ilhfiopak a̱ nan aiʋlli hʋsh isha he keyu hoke: amba illi pulla hi oke.

Lefitikʋs 24:17

Micha kʋna hosh hatak bi̱ka ʋbikmʋt illi pulla hi oke.

2 Samuel 13:28

Mihma Absalom ʋt in tishu ʋhleha ha̱, yakohmi hʋsh ahni cha, Amnon chu̱kʋsh ʋt oka pa̱ki isht im achukmʋt tahakma, Amnon a oh ʋbí, hʋchim achi likma; yohmikma hʋsh bashke; hʋchi nukshopa ná, hʋchim apesa li tuk keyu cho? nukwia ikshot amosholit hʋsh chilitashke, im achi tok.

2 Samuel 3:27

Atuk o̱ Abne ʋt falamʋt Heblon a̱ ʋla ma, Choab ʋt lumʋt im anumpula chi̱ hosh naksika holihta okhissa ya̱ isht ona cha, itibapishi Asahel im issish atuk pulla mak o̱ naksi foni ont ishit tahlapi nuta ya̱ bahli na illi tok.

Eksotʋs 20:13

Kʋna kia ish bi ná.

Numbas 35:30

Kʋna hosh hatak ʋbikmʋt nishkin pi̱sa itih pulla ho̱ hatak ʋbi ʋt illa hi oke: amba witness achʋfa hosh hatak nana ho̱ i̱ sanalit atokoli na illa he keyu hoke.

1 Mi̱ko 2:5

Micha Seluiah ushi Choab ʋt nana sa kaniohmichi tok, micha Islael tʋshka chipota i̱ kʋpitʋni chito tuklo, Ne ushi Abne, micha Chehle ushi Amasa itatuklo, yʋmmak oka ʋbi cha, it i̱ nanaiyʋt a̱sha ho̱, tʋnʋp issish hlatʋbli tok; micha tʋnʋp issish a̱ im ʋskofʋchi isht ʋskofaiyachi tok, micha shulush iyi hoyolo tok aiena ka, issish lapalahinchi tok a̱ ish ithaiyanʋshke.