Tutelonomi 27:2 - Chahta Holisso Holitopa 1886

² Atuk osh yakohma hi oke, Chatan a̱ ʋbanʋblit chin Chitokaka Chihowah yʋt yakni chima tok a̱ hʋsh ona, nitak mʋt, tʋli hochito ish hiohlichi cha, isht ʋlhpolosa ya̱ isht ish apoluslashke.

Tutelonomi 27:2 Iomraidhean Croise

Tutelonomi 11:31

Chihowah yʋt hʋchima tok a̱ yakni ya̱ hʋsh isha chi̱ hosh, Chatan a hʋsh hlopulla chi̱ hokʋt; micha hʋsh ishikmʋt hʋsh ai a̱ha̱shwa chi̱ hoke.

Tutelonomi 26:1

Atukma yakohma hi oke, chi̱ yakni ya chi̱ ho̱ chin Chitokaka Chihowah yʋt yakni chima tok a̱ ish ona cha, yʋmmak o̱ abinilit ish aiashakmʋt,

Tutelonomi 27:1

Micha Moses ʋt Islael im asʋnonchi ʋhleha aienʋt okla ha̱ im anumpulit, Anumpa moma himak nitak a̱ hʋchim anumpohonli li ka̱ hʋsh ieshashke.

Tutelonomi 27:3

Micha chi̱ki ʋhleha in Chitokaka Chihowah yʋt mihʋt im issa tuk mak osh, chin Chitokaka Chihowah yʋt yakni chima tok; yʋmmʋt yakni pishukchi, micha foe‐bila aiena kʋt ayana̱hanli ya̱ ish chukowa chi̱ hosh ish ʋbanʋblikmʋt, nan ʋlhpisa ilʋppa moma anumpa ha̱ ish ai o̱ holissochashke.

Tutelonomi 27:4

Yʋmohmi hoka yakohma hi oke: Chatan a̱ hʋsh ʋbanʋblikmʋt, himak nitak a̱ Ebal nʋnih ha̱ a hʋchi̱ miha li ka̱, tʋli puta ilʋppa hʋsh hiohlichi cha, isht ʋlhpolosa isht ish apoluslashke.

Tutelonomi 6:1

Yohmi ka̱ anumpa puta, micha nan ʋlhpisa bilia puta, micha ai ʋlhpiesa yʋmi̱hinchi ilʋppa puta hʋchim ʋlbʋcha he, Chitokaka hʋchin Chihowah yʋt anumpo̱honli na, yakni hʋsh aiasha chi̱ hosh hʋsh ia kʋt hʋsh a yʋmi̱hincha chi̱ kak a tok oke.

Tutelonomi 9:1

Islael ma, ish haklashke, himak nitak a̱ oklushi hochito, micha kʋllo kʋt chi̱ shahli, tʋmaha holihta hochito, micha a holihta kʋt shutik ont ʋhli ho̱, chukowʋt ish isha chi̱ hosh Chatan a̱ ish hlopullachi̱shke.

Choshua 1:11

Binah ha hlopullit a̱yʋt, okla ha̱ nan i̱ mihʋt, Pinak ʋt hʋchim ʋlhtahashke; nitak tuchina ta̱kla ka Chatan ilʋppa hlopullit, Chitokaka hʋchin Chihowa ʋt hʋchimmi ha chi̱ ho̱ yakni hʋch ima hoka ont chukowʋt hʋsh isha chi̱ hoke, achi tok.

Choshua 4:1

Atuk o̱ yakohmi tok, okla hash osh momʋt Chatan a̱ a hlopullit taiyaha ma, Chihowa hʋt Choshua ya̱ im anumpulit,

Choshua 8:30

Yohmi ma Choshua ʋt Chitokaka Islael in Chihowa ya̱ nʋnih Ebal ak o̱ alta ya̱ im ai ikbi tok.

Choshua 8:31

Yohmi ka Moses, Chihowa in tishu hʋt Islael im ʋlla ʋhleha ha̱ nan im apihi̱sa tok o̱, Moses i̱ nan ʋlhpisa holisso ha̱ a holihi̱so hatuk oka, Alta tʋli atushahli keyu, yʋmma hatak ʋt tʋli halupa nana kia onochi tuk keyu ho̱ isht ai ikbi tok: yohmi cha yʋmmak o̱ nan ʋbit Chihowa ya̱ isht aiokpʋchi om bohlit a hukmi cha; anonti isht aiokpʋchi isht it i̱ nanaiyʋchi aiena ka ai ʋbit okla aiasha tok.

Choshua 8:32

Mihma Islael im ʋlla ʋhleha momʋt pi̱sa ho̱, Moses i̱ nan ʋlhpisa ya̱ tosholit tʋli atok ash o̱ a holissochi tok.