Tutelonomi 27:15 - Chahta Holisso Holitopa 1886

¹⁵ Hatak nana hosh tʋhlit naholbʋt toba, keyukmʋt bilʋt akmot naholbʋt toba, Chihowah nan isht yuwala, hatak nan ikbi imponna ibbak osh atahli yo̱ ikbi cha, alumaka hilechikmʋt, kallakshashke: mikma okla moma kʋt, Amen, achashke;

Tutelonomi 27:15 Iomraidhean Croise

Genesis 31:19

Mihma Laban ʋt in chukfʋlhpoa hishi ʋmot ia tuk atok: mihma Lechel ʋt i̱ki i̱ naholbʋt toba ya̱ i̱ hu̱kopa tok atok.

Genesis 31:34

Yohmi ka̱ naholbʋt toba ya̱ Lechel ak osh ishi tuk osh kamel i̱ nachukushpa ibafohki cha, om binili tuk atok. Mihma Laban ʋt ʋlhtipo ya̱ a mominchit hoyo kia, ik ahayucho tok.

Genesis 9:25

Micha, Kenan ʋt kalakshashke; tishu ʋhleha in tishu hosh itibapishi ʋhleha ha̱ i̱ nutaka hosh aiasha hi oke, achi tok.

2 Mi̱ko 17:19

Chutah ak kia in Chitokaka Chihowa im anumpa ʋlhpisa puta ik iesho hosh, amba Islael i̱ nan ʋlhpisa puta okla apesa tok ak o̱ a noho̱wa tok.

2 Mi̱ko 23:13

Micha achahaka puta Islael i̱ mi̱ko Solomon ʋt Siton okla nan ashʋchi ishit yuwala Ashtolelh, micha Moab okla nan ashʋchi ishit yuwala Chemosh, micha Ammon im ʋlla ʋhleha nan ashʋchi ishit yuwala Milkom aiena ka im ikbi tok, yʋmmʋt Chelusalem itikba isht ai yoshuba nʋnih im ishtimpakimma aiasha tuk a̱ mi̱ko ʋt litehli tok.

Eksotʋs 20:23

Sa takla ka̱ tʋli hʋta naholba hʋsh ikba he keyu hoke; micha hʋchimmi a he tʋli lakna naholba hʋsh ikba he keyu hoke.

Eksotʋs 20:4

In chu̱wʋt naholbat toba, keyukmʋt nana kia shutik ʋba aiasha, keyukmʋt nutaka yakni aiasha, keyukmʋt yakni nutaka oka ai asha holba ya̱ ish ikba he keyu hoke.

Eksotʋs 34:17

Bilʋt akmot naholbʋt toba ya̱ chik ikbo kashke.

Lefitikʋs 19:4

Fullotʋt na holbʋt toba ya̱ hʋchik im ono kashke; micha bilʋt akmot na holbʋt toba hʋch ik ikbo kashke: Chitokaka hʋchin Chihowah sia hoke.

Lefitikʋs 26:1

Na holbʋt toba, micha na holbʋt toba in chu̱wa hʋsh ikba he keyu, micha na holbʋt toba ikbit hʋsh hilecha he keyu, micha tʋli na holbʋt toba nana kia hʋsh im aka chunola chi̱ kʋt chi̱ yakni a̱ hʋsh hilecha he keyu hoke, hʋchin Chitokaka Chihowah sia hoka.

Numbas 5:22

Mikma nan ik achukmo tobachi oka ilʋppʋt chikfoka ya̱ shatʋblicha chi̱ hosh micha chiyubi ya̱ shuacha chi̱ hosh chi takoba ya̱ chukowa chi̱ hoke, im acha hi oke. Mikma ohoyo hash ot Amen, Amen, acha hi oke.

Mahlu 24:15

Yohmi hoka nan okpʋni a̱ i̱ nukkilli ʋlhpesa ka hopaii Taniel ʋt isht anumpuli tok a̱, aholitopaka ya̱ a hikia na hʋsh pisa hokma, kʋna hosh ilʋppa it im anumpuli hokmʋt, akostininchashke.

Mahlu 6:13

Mikmʋt anukpʋlika yoka ik ia chik pim aiahno hosh, amba nan‐okpulo a̱ ish pi a hlakofihinchashke: Apehlichika, mikmʋt nan‐isht‐aia̱hli, micha isht aholitopa aiena kʋt chimmi a bilia yoke. Amen.

1 Kolinhlian 14:16

Yʋmmak keyukma, Chihowa isht ish aiokpʋchi kia, kʋna kia nan ik ithano im ai o̱ binili binili hatuk ʋt, nana ho̱ ish achi ka akostininchi keyu kʋt, katiohmi kak osh yʋmmak ash osh yak oke ahnit, ʋba pit ish aiokpʋchi ka, Amen acha hinla ho̱?

Tutelonomi 27:14

Mihma Lefai ʋhleha hʋt Islael hatak ʋhleha moma ka̱ im anumpulit anumpa chitoli hosh,

Tutelonomi 29:17

Micha nan isht a yuwala, micha i̱ naholbʋt toba puta, iti micha tʋli, micha tʋli hʋta, micha tʋli lakna aiena kʋt im ai itin takla ya̱ aiasha ho̱ hʋsh pisa tok okʋt.

Tutelonomi 4:25

Hʋchim ʋlla ʋhleha hʋt, micha ʋlla ʋhleha hash im ʋlla ʋhleha hʋt hʋchim a̱sha cha, yakni ya̱ hʋsh a̱sha hopakit taiyahakmʋt, hʋsh il okpʋnit tʋhlʋt na holbʋt toba, keyukmʋt nana kia holba hʋsh ikbi cha, chin Chitokaka Chihowah itikba ya̱ nana ik achukmo ka̱ yʋmohmit hʋsh nokowʋchikmʋt;

Tutelonomi 5:8

In chu̱wʋt na holbʋt toba, micha nana kia, ʋba yakni a̱sha, keyukmʋt nutaka yakni a̱sha, keyukmʋt yakni nutaka oka aiasha yʋmma holba kia chik ik bo kashke.

Tutelonomi 7:25

I̱ na holbʋt toba, in chu̱wʋt toba puta ka̱ luak ishit hukmit hʋsh tahlashke: tʋli hʋta, micha tʋli lakna aiena alapali ka̱ ish ahna he keyu, micha ish il ai isha he keyu, ish yohmi cha, ishit ish yoshoba na; chin Chitokaka Chihowah nan i̱ yuwala yoka.

Nan Apesa 17:3

Atuk o̱ tʋli hʋta auah achʋfa kash falʋmminchit ishki ya̱ ima ma, ishki ʋt, Tʋli hʋta sʋbbak foyuka tuk ʋt Chihowa ya̱ i̱ hullochi li mak osh i̱ hullochi li tuk o̱, sʋso hʋt tʋhlit naholbʋt toba, micha bilelit naholbʋt toba itatuklo ka ikba chin tuk atuk oke: yohmi hoka himak a̱ chi̱ falʋmmichi lashke, achi tok.

Nan Apesa 17:4

Yohmi kia tʋli holisso yash ishki ya̱ i̱ falʋmmichi tok; mihma ishki ʋt tʋli hʋta shekel tahlepa tuklo ho̱ ishi cha, tʋli hʋta ikbi ya̱ ima na yʋmmak ash osh tʋhlit naholbʋt toba, micha bilelit naholbʋt toba itatuklo ka ikbi tok: mihma Mikah in chuka yak o̱ hieli tok.

1 Samuel 26:19

Yʋmohmi ka himak a̱ a̱ shahli mi̱ko yʋt in tishu im anumpa ha̱ haklashke, chim asilhha lishke. Chihowa ak osh is sʋm asanala chi̱ ho̱ chi nukfohki hatuk okma, nan isht aiokpʋchi ya̱ aiokpʋchashke: amba hatak im ʋlla ʋhleha ak atuk okmʋt, Chihowa itikba ya̱ na palʋmmi kʋt onʋtolashke: Chihowa im ai isha he ʋlhpesa ya̱ ahanta la hetuk a̱ himak nitak a̱ kohchit sa chʋffichi cha, Iʋt okla inla i̱ naholbʋt toba puta yak o̱ im antiá, ʋm achi hokʋt.