Tutelonomi 26:8 - Chahta Holisso Holitopa 1886

⁸ Micha Chihowah yʋt ibbak kʋllo hosh, micha shakba ashatapa hosh, micha palʋmmi chito hosh micha nan ishtatokowa, micha na fehna yʋmi̱hinchit pi pehlichit Echip a̱ kohchi tok.

Tutelonomi 26:8 Iomraidhean Croise

Eksotʋs 12:37

Mihma Islael im ʋlla ʋhleha hʋt Lameses ashʋt ia mʋt, Sukkolh a̱ ona tok, hatak akanowa yʋt, ʋlla yʋt aholhtina keyu ka̱ tahlepa sipokni tahlepa hannali foka tok.

Eksotʋs 12:41

Atuk o̱ yakohmi tok, afʋmmi tahlepa ushta cha pokoli tuchina kʋt ont taha ma, nitak yʋmmak fehna ka̱ yakohmi tok, Chihowah im okla moma kʋt Echip yakni ya̱ kohchʋt ia tok.

Eksotʋs 12:51

Atuk o̱ mih nitak akinli ka̱ yakohmi tok, Chihowah yʋt Islael im ʋlla ʋhleha apehlichi ʋlhpisa ho̱ pehlichit, Echip yakni ya̱ kohchi tok.

Eksotʋs 13:3

Mihma Moses ʋt okla ha̱, Himak nitak ak o̱, Echip, micha aboha ayuka hʋsh kucha tok ʋt hʋsh ithaiyanashke; ibbak hlompko hosh Chihowah yʋt ilʋppa a hʋchi kuchi tuk oke, pʋska shatʋmmi ya̱ ʋpa he keyu hoke.

Eksotʋs 6:6

Yʋmohmi hoka Islael im ʋlla ʋhleha ha̱, Chihowah sia hoke, micha Echip okla hʋt naweki hʋchi onochi tuk a̱ a hʋchi kohchi la chi̱ hoke, micha hʋchi yukachi tuk a̱ hʋchi hlakoffichi la chi̱ hoke; micha shakba wieli hosh, micha napalʋmmi chinto onochi hosh hʋchi kohchit isht hʋchi hlakoffichi la chi̱ hoke.

Tutelonomi 34:11

Yohmi kʋt nan isht atokowa puta, micha nana afehna puta, yʋmmak oka Echip yakni Falaoh, micha in tishu ʋhleha moma, micha i̱ yakni moma aiena ka̱ onochit yʋmihcha chi̱ ka̱ Chihowah yʋt tohno tok.

Tutelonomi 34:12

Micha ibbak kʋllo moma yʋmma, micha napalʋmmi chinto yʋmma, Islael moma kʋt pi̱sa ho̱ Moses ʋt haiakʋchi tok, (achi tok.)

Tutelonomi 4:34

Ak cho? Chitokaka yʋt oklushi achʋfa ho̱ oklushi inla iklʋnna a kohchit il isha chi̱kmʋt im onʋt imomaka pisʋt, nan isht atokowa, micha na fehna, micha tʋnʋp, micha ibbak kʋllo hosh, micha shakba ashatapʋt nan isht nukhlakancha chinto, hʋchin Chitokaka Chihowah yʋt hʋchi nishkin itikba Echip a̱ hʋchi̱ yʋmihchi tok, chiyuhmichi tok oh cho?

Tutelonomi 5:15

Micha chishno yak kia Echip yakni ya̱ tishu chia ha tok, atuk o̱ Chitokaka chin Chihowah yʋt ibbak kʋllo, micha shakba ashatapa hosh yʋmma chi kohchi tok a̱ ish ithaiyanashke: yʋmohmi hatuk osh Chitokaka chin Chihowah yʋt nitak hullo nitak a̱ ish holitobla he a̱ chim apesa tok oke.