Tutelonomi 26:7 - Chahta Holisso Holitopa 1886

⁷ Mihma pi̱ki ʋhleha in Chitokaka Chihowah ya̱ il i̱ pa̱ha̱ya ma, Chihowah yʋt pi̱ haponaklo mʋt, pilbʋsha ka̱, micha pim atoksʋli ka̱, micha pissikkopali ka̱ pi̱hi̱sa tok.

Tutelonomi 26:7 Iomraidhean Croise

Genesis 21:17

Mihma Chitokaka yʋt ʋlla ilbʋshʋt pa̱ya ka̱ haklo tok: mihma Chitokaka im enchel ʋt Haka ya̱ ʋba et ai i̱ howʋt, Nanta chi katiohmi cho? Haka ma, Ik chi komunto kashke; Chitokaka yʋt ʋlla yʋt ai itolʋt ilbʋshʋt pa̱ya ka̱ haklo hoka.

Genesis 29:32

Mihma Leah ʋt chakali tok; atuk osh ʋlla nakni yo̱ eshi cha, Luben hochifo tok: Sʋlbʋsha ka̱ Chihowah yʋt sa pi̱sa tuk pullʋshke; himak ano a̱ hatak ʋt a̱ hulla chi̱shke, achi tuk okʋt.

2 Samuel 16:12

Chihowa ʋt nan ashʋchi li tuk osh sʋlbʋsha ka pisa cha, Chihowa ʋt himak nitak a̱ anumpa kalakshichit isht si onochi ka achukma ho̱ a̱ falʋmmincha hinla yoba ká, im achi tok.

Atʋloa 119:132

Chi hohchifoh i̱ hulittopa ʋhleha ha̱ ish a kʋniomihchih chatuk mak osh, is sa̱ filema cha, is sa̱ nukha̱klashke.

Atʋloa 50:15

Micha nan a pʋllʋmmi nittak a̱ is sa̱ pa̱yashke; a chi kucchi likma̱, is sʋ holittobla hi oke.

Eksotʋs 2:23

Atuk o̱ nitak kaniohmi ma, yakohmi tok. Echip i̱ mi̱ko ʋt illi tok; mihma yuka kak osh Islael im ʋlla ʋhleha hʋt kifa̱ha̱ha cha, ya̱ha̱ya tok; micha yuka kak osh ya̱ha̱ya kʋt Chitokaka ya̱ im ona tok.

Eksotʋs 2:25

Micha Chitokaka yʋt Islael im ʋlla ʋhleha ha̱ pi̱hi̱sa tok, micha Chitokaka yʋt ithaiyana tok.

Eksotʋs 3:9

Yʋmohmi hoka himak a̱ yakeh, Islael im ʋlla ʋhleha ya aya kʋt ʋm ʋlʋshke; micha Echip okla hʋt isht ilbʋshali na, ilbʋsha aiena ka̱ pi̱hi̱sa le tuk oke.

Eksotʋs 4:31

Mihma okla hʋt yimmi tok; micha Chihowah yʋt Islael im ʋlla ʋhleha ha̱ im a̱ya tuk, micha ilbʋsha ka̱ pisa tuk a̱ haklo mʋt, noshkobo ha̱ akachunoli cha, okla aiokpʋchi tok.

Eksotʋs 6:5

Atuk osh Echip okla hʋt Islael im ʋlla ʋhleha ha̱ yukachit ieshi na, kifaha̱ha̱ ka̱ haklo li akinlishke, micha nana itim apesa li ʋt ithaiyana lishke.

1 Samuel 9:16

Onnaha himak a̱ chohmi fokakma Benchamin i̱ yakni ya̱ a kohchit hatak a̱ et chi̱ pila la chi̱ hoke; mikma yʋmma bila ahʋmmit ish atokoli na ʋm okla Islael a̱ pehliechi cha, ʋm okla ha̱ Filistin okla ibbak a̱ a mokofit hlakofichashke: pa̱ha̱ya kʋt ʋm ahanla hatuk o̱, ʋm okla ha̱ pihi̱sa li hoke, achi tuk atok.