Tutelonomi 26:6 - Chahta Holisso Holitopa 1886

⁶ Mihma Echip okla hʋt na ik achukmo ka̱ pi yʋmihchit, pilbʋshali cha, yuka kʋllo pi onuchi tok.

Tutelonomi 26:6 Iomraidhean Croise

Eksotʋs 1:11

Yʋmohmi hatuk osh toksʋli kʋllo onochit isht ilbʋshala chi̱ ka̱, toksʋli apesʋchi ʋhleha ha̱ im apesa tok. Mihma ʋlhpoyak aiasha tʋmaha holihta Pihlom, micha Lameses a̱ Falaoh a̱ im ikbi tok.

Eksotʋs 1:14

Micha yuka kʋllo, lukfi yamʋska, micha lukfi nuna, micha osapa natoksʋli ilaiyukali moma toksʋlechit i̱ nitak a̱ hominchi tok; natoksʋli moma toksʋlechi kʋt i̱ kʋllochi ha tok.

Eksotʋs 1:16

Ʋlla eshi apesʋchi isht‐ai‐ʋtta ya̱ Heblu ohoyo ha̱ hʋsh i̱ yʋmihchi tuk osh, ʋlla eshi na, hʋsh pisakmʋt, ʋlla nakni yokma hʋshbashke, amba ʋlla tek okmʋt okcha̱yashke, achi tok.

Eksotʋs 1:22

Mihma Falaoh hʋt im okla moma ka̱ atokolit, Ʋlla nakni ʋtta puta ka̱ okhina ya̱ pit hʋsh okʋchashke; micha ʋlla tek ano hʋsh okchalinchashke, im achi tok.

Eksotʋs 1:8

Yohmi tuk o̱ mi̱ko himona ʋt Chosef a̱ ik ithano hosh Echip a̱ mi̱kot hikia tok.

Eksotʋs 5:19

Mihma Islael im ʋlla ʋhleha nanʋlhtoka ʋhleha hʋt, Nitak achʋfakma hʋsh atahla he tuk lukfi nuna achʋfa kia, hʋsh ola taklʋcha he keyu, achi ha ya̱ ik achukmo hosh aiasha ka̱ pisa tok.

Eksotʋs 5:23

Chi hohchifo pulla kak o̱ Falaoh ya̱ im anumpule la chi̱ hosh, ʋla li tuk takla ka̱, okla ilʋppa ik achukmo ho̱ yʋmi̱hinchi hoke; mihma chim okla ha̱ ish hlakofichi keyu kʋmohmishke, achi tok.

Eksotʋs 5:9

Hatak ʋt toksʋli hʋt i̱ shahli hosh onʋtolashke, yʋmohmi cha toksʋlashke, micha anumpa ik ahobo ya̱ yohmi, ik ahno kashke, achi tok.

Numbas 20:15

Pi̱ki ʋhleha hʋt Echip a̱ ona tok, atuk o̱ Echip a̱ il aiasha na hopaki, mihma Echip okla hʋt pishno, micha pi̱ki ʋhleha aiena ka̱ pilbʋshali tok.

Tutelonomi 26:7

Mihma pi̱ki ʋhleha in Chitokaka Chihowah ya̱ il i̱ pa̱ha̱ya ma, Chihowah yʋt pi̱ haponaklo mʋt, pilbʋsha ka̱, micha pim atoksʋli ka̱, micha pissikkopali ka̱ pi̱hi̱sa tok.

Tutelonomi 4:20

Amba Chihowah yʋt hʋchishno ya̱ hʋch ishi cha, tʋli abila Echip fehna ka̱ hʋchi kohchi kʋt, okla immi ha chi̱ ha tok o̱, hima̱k nitak a̱ hʋsh yʋmohmishke.