Tutelonomi 26:3 - Chahta Holisso Holitopa 1886

³ Micha naholitompa isht ʋtta ʋt nitak yʋmma anta tuk a̱ im ona cha, Himak nitak a̱ Chihowah yʋt yakni pima chi̱ hosh pi̱ki ʋhleha ha̱ anumpa kʋllo il im onochi tok a̱ ʋla li kʋt, chin Chitokaka Chihowah ya̱ im anohonli lishke, ish im acha hi oke.

Tutelonomi 26:3 Iomraidhean Croise

Genesis 17:8

Mikmʋt Kenan yakni ʋt moma, okla inla yosh ish ai ahanta yakni ya̱ chishno, micha chim ishtatiaka et chiakaiya aiena kʋt hʋchi̱ yakni bilia chi̱ ho̱ hʋch ima la chi̱ hoke: mikmʋt in Chitokaka sia ha hi oke, achi tok.

Genesis 26:3

Yakni ilʋppak o̱ nowʋt a̱ya yosh ish ahantashke, mikma chibafoyuka lish, chi yukpali lashke; chishno, micha chi aiunchololi yak o̱ yakni ilʋppa moma ka̱ ima la chi̱ hoka, micha anumpa kʋllo yʋmma anumpulit chi̱ki Eblaham a̱ im il onochi li tok ʋt aia̱hlichi la chi̱ hoke.

Tutelonomi 1:8

Yakeh, yakni ya̱ hʋchi tikba talali lishke; chukowʋt yakni ya̱ Chihowah yʋt hʋchi̱ki ʋhleha Eblaham, micha Aisaak, micha Chekob, micha im ishtiaka iakaiyʋt mihinti aiena ka̱ anumpa kʋllo anumpulit, ima tok a̱ hʋsh ishashke, achi tok oke, achi tok.

Tutelonomi 19:17

Yohmikma hatak ita chowa kash osh ita tuklo hosh Chihowah itikba, na holitompa isht asha, micha nan apesa ʋhleha aiena kʋt nitak yʋmma aiasha tuk a̱ itikba hiela hi oke.

Tutelonomi 26:2

Yakni awaya ʋmmona moma chi̱ yakni chin Chitokaka Chihowah yʋt chima tok a̱ ish ai ishi cha̱ isht a̱yʋt, kishi ish fohkikmʋt, kanima ho̱ chin Chitokaka Chihowah yʋt aiatokolit hohchifo ha̱ a bohla he ahnikma, yʋmma isht ish onashke.

Tutelonomi 26:4

Mihma naholitompa isht ʋtta yʋt kishi chibbak fohka kash ishi cha chin Chitokaka Chihowah im alta itikba ya̱ talala hi oke.

Heblu 10:21

Yohmikmʋt na holitompa isht ʋtta chinto Chihowa im aboha i̱ shahli hosh pim ahanta hokʋt;

Heblu 13:15

Yohmi ka yʋmmak atuk pulla kak o̱ Chihowa isht a holitopa he pitiʋlbi isht a waya ka yʋmmak o̱ pit il im ihi̱sʋt bilia cha, ilap hohchifo ha̱ yak oke ai ahnit, il aiokpahanchashke.

Heblu 7:26

Yohmi ka na holitompa isht ʋtta chinto, yʋmmak okʋt ai ashʋchika ik im iksho, nan ik okpano, na liteha iksho, nan ashʋchi ʋhleha ha̱ ai i̱ filʋmmi, micha chaha kʋt ʋba yakni yak kia i̱ shahli, yʋmmak chiyuhmi hosh pim ahanta he ai ʋlhpiesa hatok:

1 Pita 2:5

Hʋchishno ak kia tʋli okcha̱ya chiyuhmit, shilombish chuka hʋsh toba hosh, na holitompa isht ʋlla holitopa yosh Chisʋs Klaist ak atuk pulla kak o̱, Chihowa hokʋt im ʋlhpiesa ho̱, chu̱kʋsh isht aiokpʋchi puta ka pit hʋsh im ihi̱sa hi a tok.