Tutelonomi 26:2 - Chahta Holisso Holitopa 1886

² Yakni awaya ʋmmona moma chi̱ yakni chin Chitokaka Chihowah yʋt chima tok a̱ ish ai ishi cha̱ isht a̱yʋt, kishi ish fohkikmʋt, kanima ho̱ chin Chitokaka Chihowah yʋt aiatokolit hohchifo ha̱ a bohla he ahnikma, yʋmma isht ish onashke.

Tutelonomi 26:2 Iomraidhean Croise

2 Mi̱ko 4:42

Atuk o̱ hatak achʋfa kʋt Baal‐shalisha minti hosh ʋla cha, Chitokaka immi hatak a̱ waya ʋmmona pʋska, bali pʋska lumbo pokoli tuklo ho̱, micha osapushi a waya aiena ka i̱ bahta ʋlhto ho̱ isht im ʋla tok: mihma, Okla ha̱ ish ima na ʋpashke, achi tok.

Eksotʋs 20:24

Lukfi yo̱ alta is sʋm ikbi cha, hukmit isht aiokpʋchi, micha iti̱ nanaiyʋchi isht aiokpʋchi, chin chukfi, micha chi̱ wak aiena ka̱ ʋbit ai onochit isht ish ai okpʋchashke, Kanima moma sa hohchifo ha̱ a bohyuli likmʋt hʋchim ʋla likmʋt hʋchi yukpali la hi oke.

Eksotʋs 22:29

Chi̱ na waya ʋmmona ya̱ chim oka pa̱ki, micha alif bila aiena ka̱ is sʋm issa kʋt chik achibalo kashke; chiso ʋttahpi ya̱ is sʋma hi oke.

Eksotʋs 23:16

Micha hʋsh toksʋli osapa ya̱ nana ish hokchi tukma nawaya ʋmmona ʋmo impʋchi, micha nahoyo impʋchi, afʋmmi ont tahakma osapa ish atoksʋli tuk ʋt na ish hoyokmʋt isht hʋsh a̱sha hi oke.

Eksotʋs 23:19

Chi̱ yakni awaya ʋmmona ti̱kba yo̱ Chihowah chin Chitokaka im aboha ya̱ isht ish ona hi oke. Issi kosoma ushi yo̱ ishki i̱ pishukchi a̱ isht ish honna he keyu hoke.

Eksotʋs 34:26

Nawaya ʋmmona achukma i̱ shahli a̱ya chin Chitokaka Chihowah im aboha isht ish onashke. Issi kosoma ushi ya̱ ishki i̱ pishukchi a̱ isht ish hona he keyu hoke, achi tok.

Lefitikʋs 2:12

Nawaya ʋmmona im issa hokʋno, Chihowah hʋsh im issa hi oke. Yohmi kia na balama yo̱ alta ai on lua he keyu hoke.

Lefitikʋs 2:14

Micha ilhpak im issa na chi̱ waya ʋmmona ya̱ Chihowah ya̱ ish im issakmʋt ilhpak im issa na chi̱ waya ʋmmona ya̱ onush hiloha luak ishit shilʋt onush noshkobo alota chilohka yashke.

Loman 11:16

Yohmi ka ʋnit waya ʋmmona kʋt holitopa hokma, a moyuma kʋt holitopa ak inli hoke: micha hakshish ʋt holitopa hokma, naksish puta kak kia yohmi ak inli hoke.

Loman 16:5

Yʋmmak ash chiyuhmit yʋmma in chuka ʋbanumpuli iksa ma̱ya ka hʋsh aiokpʋchashke. Epenetʋs a̱ holitopa fehna, yʋmmʋt Klaist i̱ yimmi kʋt Akaia ya̱ ai yʋmohmit nan ʋni ʋmmona hatok a̱ hʋsh aiokpʋchashke.

Loman 8:23

Micha yʋmmak illa ho̱ keyu, amba pishno ak kia Shilombish isht ai ʋni waya ʋmmona ka il ishi kʋt, pishno ak kia e hi̱hi̱ha kʋt ʋlla ai a̱hli e toba he, yʋmmʋt pi haknip isht a hlakofi yak o̱ e hoho̱yo hoke,

1 Kolinhlian 15:20

Yohmi ka himak ʋno Klaist ʋt illit falamʋt tani tok, micha kʋna hosh nusi tuk ʋhleha yʋmmak ash nan ʋni ʋmmona mak o̱ toba hoke.

1 Kolinhlian 15:23

Yohmi kia hatak moma kʋt ilap nan isht im ai ʋlhpiesa kak a hi oke: Klaist ak osh nan ʋni ʋmmona hoke: i̱ himmak o̱ Klaist immi hatuk ʋt, yʋmmʋt mintikma, tana hi oke.

1 Kolinhlian 16:2

Ona li ha yo̱ nan itahobi kʋt ik ai iksho ka chi̱ ka, wek nitak ʋmmonakma achʋfa hʋsh aiyuka kʋt, Chihowa hʋt nan im ila̱yak a̱ ataiyahli ka, it ilauechit ishit hʋsh il im bohonlashke.

Tutelonomi 16:10

Micha nitak hullo puta impʋchi ya̱ chin Chitokaka Chihowah ya̱ isht ish aiashakmʋt, chin Chitokaka Chihowah yʋt na chi yukpali tuk pulla mak o̱ ilap ahnit chibbak foyuka im issa ya̱ aieninchit chin Chitokaka Chihowah ya̱ ish imashke.

Tutelonomi 18:4

Micha onush chi̱ waya ʋmmona, chim oka‐paki, micha chi̱ bila, micha chin chukfi hishi ʋlmo ʋmmona aiena ka̱ ish ima hi oke.

Tutelonomi 26:1

Atukma yakohma hi oke, chi̱ yakni ya chi̱ ho̱ chin Chitokaka Chihowah yʋt yakni chima tok a̱ ish ona cha, yʋmmak o̱ abinilit ish aiashakmʋt,

Tutelonomi 26:3

Micha naholitompa isht ʋtta ʋt nitak yʋmma anta tuk a̱ im ona cha, Himak nitak a̱ Chihowah yʋt yakni pima chi̱ hosh pi̱ki ʋhleha ha̱ anumpa kʋllo il im onochi tok a̱ ʋla li kʋt, chin Chitokaka Chihowah ya̱ im anohonli lishke, ish im acha hi oke.

Chemis 1:18

Immi ha hi osh ikbi tok puta nan i̱ wayahpi e chiyuhma hi o̱, ilap ahni hosh anumpa ai a̱hli yo̱ ishit tobahanchi tok.

Choshua 18:1

Mihma Islael im ʋlla ʋhleha moma kʋt iti hoyot Shiloh ya̱ itʋnaha cha, okla moma im ʋlhtipo holitopa ya̱ a hilechi tok: mihma yakni ʋt itikba ya̱ i̱ nutaka tok.

Nan Otʋni 14:4

Ilʋppak ash osh ohoyo nana kia isht a liteha tok keyu ʋhleha hoke; ohoyo himithoa hatak haleli keyu ho̱ chiyuhmi ʋhleha hoke. Ilʋppak ash osh Chukfʋlhpobushi, yʋmmʋt kanima yo̱ ia hoh kia, iakaiya ʋhleha mak oke. Ilʋppak o̱ hatak puta ai itintakla a kohchit chumpa tok o̱, Chihowa, micha Chukfʋlhpobushi ita tuklo ka immi nawaya ʋmmona ʋhleha hoke.