Tutelonomi 26:19 - Chahta Holisso Holitopa 1886

¹⁹ Anumpuli tuk mak osh, chi chahʋchit, ahninchit isht anumpuli ya̱ micha hohchifo ha̱, micha holitopʋt ʋmmona ka̱, oklushi puta moma ka̱ yʋmmak oka ikbi tok ʋt i̱ shahlechi ya̱ chishno ak o̱ chi i̱hi̱kbi ha tuk oke; yʋmohmi ho̱ chin Chitokaka Chihowah ya̱ okla i̱ holitopa chia ha chi̱ ha tok, im ahanchi tok.

Tutelonomi 26:19 Iomraidhean Croise

Atʋloa 148:14

Micha im okla ha̱ lʋpish wʋkayʋchit i̱ hilechi tuk oka̱, i̱ hulittopa ʋhlehah moma, Islael im ʋlla ʋhleha i̱ bili̱ka aiyasha okla hokʋt huletublicha hi ʋt im ai ʋlhpiesa hoke. Chihowa ha̱ hu holittoblichíh.

Eksotʋs 19:5

Yʋmohmi hoka himak a̱ ʋm anumpa ha̱ hʋsh im asitia mʋhli cha, a̱ nan itim apesa ya̱ hʋsh holitoblikmʋt, yohmikmʋt okla moma i̱ shahlit ʋmmi hʋchia ha chi̱ hoke; yakni ʋt moma kʋt ʋmmi hoka.

Eksotʋs 19:6

Mikma ʋm apehlichika na holitopa isht asha, micha okla holitopa, hʋchia ha chi̱ hoke, ish im achashke. Anumpa ilʋppa puta kak o̱ Islael im ʋlla ʋhleha ha̱ ish im anumpulashke, achi tok.

Tutelonomi 27:1

Micha Moses ʋt Islael im asʋnonchi ʋhleha aienʋt okla ha̱ im anumpulit, Anumpa moma himak nitak a̱ hʋchim anumpohonli li ka̱ hʋsh ieshashke.

Tutelonomi 28:1

Atukma yakohma hi oke, chin Chitokaka Chihowah im anumpa ha̱ achunanchit ish i̱ haponaklo cha, im anumpa moma ka̱ himak nitak a̱ chi̱ miha li ka̱ ithaiyanʋt ish yʋmihinchikma, chin Chitokaka Chihowah yʋt oklushi moma yakni paknaka ai asha ka̱ i̱ shahlechit a chaha ka̱ chi binilicha hi oke.

Tutelonomi 28:13

Micha Chihowah yʋt noshkobo ak o̱ chikba hi oke, micha hasimbish ak a he keyu: paknaka ak o̱ ish bieka, ish nutaka he keyu hoke, chin Chitokaka Chihowah im anumpa ha̱ himak nitak a̱ chim anumpohonli li ka̱ i̱ haponaklot ithaiyanʋt ish yʋmi̱hinchikmʋt,

Tutelonomi 28:9

Chihowah yʋt anumpa kʋllo chim ilono̱honchi tok mak osh, chin Chitokaka ya̱ im anumpa ish ieshi cha, i̱ hina ya̱ ish itanowakma, im okla i̱ holitopa kʋllo hosh chikba hi oke.

Tutelonomi 7:6

Chin Chitokaka Chihowah ya̱ im okla holitopa chia hoka; chin Chitokaka Chihowah yʋt okla moma yakni paknaka aiasha ka̱ i̱ shahlit immi atokowa chia ha chi̱ ho̱ atokolit chishi tok.

1 Pita 2:5

Hʋchishno ak kia tʋli okcha̱ya chiyuhmit, shilombish chuka hʋsh toba hosh, na holitompa isht ʋlla holitopa yosh Chisʋs Klaist ak atuk pulla kak o̱, Chihowa hokʋt im ʋlhpiesa ho̱, chu̱kʋsh isht aiokpʋchi puta ka pit hʋsh im ihi̱sa hi a tok.

1 Pita 2:9

Amba isht atiaka ʋlhtoka, mi̱ko i̱ na holitompa isht ʋtta; oklushi holitopa, Chihowa immi ai a̱hli fehna hʋchia hoke: yohmi ka yʋmmak osh hʋchi̱ ho̱wʋt ai okhlilika ya̱ a kohchit im atohwikeli chinto ka hʋchi foyuki tuk o̱, ilap isht aiokpahancha he a̱ puta ka otʋninchit hʋsh ano̱honla he a tok: