Tutelonomi 26:18 - Chahta Holisso Holitopa 1886

¹⁸ Mikma mihʋt chim issa tok mak osh himak nitak a̱, Chihowah yʋt im okla ila chia ha chi̱ ho̱ a̱hli hosh mihʋshke; mikma im anumpa moma ka̱ holitoblit ish ieshikma;

Tutelonomi 26:18 Iomraidhean Croise

2 Samuel 7:24

Islael a̱ chim okla ikbit ish ilai ieshi na bilia chi̱ hoka; micha Chihowa chishno ak osh in Chitokaka ish tobʋshke.

Atʋloa 119:6

Chim ʋnnumpah ʋlhpisa moma ka̱ ahninchi li hokmak osh, sʋ hofahya he keyu hoke.

Atʋloa 135:4

Chihowa hʋt ilap immi ha chi̱ hosh Chekob a̱ ʋtokulih mʋt, ilap inli hosh iesha chi̱ kʋt Islael a̱ ʋtokule tuk oka̱.

Eksotʋs 6:7

Micha ʋm okla hʋchia ha chi̱ ho̱ hʋch ishe la chi̱ hoke: micha hʋchin Chitokaka sia ha chi̱ hoke: micha ʋno ak osh Chihowah hʋchin Chitokaka sia hosh Echip i̱ naweki nutaka ya̱ hʋchi kohchi le tuk a̱, hʋsh ithana chi̱ hoke.

Lefitikʋs 20:26

Micha hʋs sʋm i̱ holitopa hi oke; Chihowah sia hʋt sa holitopa hosh ʋmmi hʋchia ha chi̱ ho̱ okla inla ya̱ ile hʋchi̱ filʋmmichi li tuk oke.

Loman 16:26

Micha Chihowa okcha̱yʋt bilia yʋt nan apihi̱sa hatuk mak o̱ hopaii ʋhleha hʋt holissohonchi tok o̱, oklushi moyuma kʋt na yimmit isht im antia chi̱ mak o̱, im otaiyani hatok:

Tutelonomi 14:2

Chin Chitokaka Chihowah ya̱ i̱ holitopa okla chia hokʋt; micha oklushi puta yakni paknaka aiasha moma ka̱ i̱ shahlechit im okla hosh inla fehna chia ha chi̱ ho̱ Chihowah yʋt chi atokoli tok oke.

Tutelonomi 27:10

Yʋmohmi hoka chin Chitokaka Chihowah im anumpa ha̱ i̱ haponaklot, im anumpa ʋlhpisa, micha nan ʋlhpisa bilia himak nitak a̱ chi̱ miha li ka̱ ish yʋmi̱hinchashke, achi tok.

Tutelonomi 28:1

Atukma yakohma hi oke, chin Chitokaka Chihowah im anumpa ha̱ achunanchit ish i̱ haponaklo cha, im anumpa moma ka̱ himak nitak a̱ chi̱ miha li ka̱ ithaiyanʋt ish yʋmihinchikma, chin Chitokaka Chihowah yʋt oklushi moma yakni paknaka ai asha ka̱ i̱ shahlechit a chaha ka̱ chi binilicha hi oke.

Tutelonomi 28:9

Chihowah yʋt anumpa kʋllo chim ilono̱honchi tok mak osh, chin Chitokaka ya̱ im anumpa ish ieshi cha, i̱ hina ya̱ ish itanowakma, im okla i̱ holitopa kʋllo hosh chikba hi oke.

Tutelonomi 29:13

Yʋmohmi ho̱ himak nitak a̱ nana hʋchi̱ miha tok mak o̱, micha chi̱ki ʋhleha Eblaham micha Aisak, micha Chekob aiena ka̱ anumpa kʋllo im il onochi tok mak osh, kʋllochit im okla hʋch ikbi cha, hʋchin Chitokaka chi̱ ha tok.

Tutelonomi 4:20

Amba Chihowah yʋt hʋchishno ya̱ hʋch ishi cha, tʋli abila Echip fehna ka̱ hʋchi kohchi kʋt, okla immi ha chi̱ ha tok o̱, hima̱k nitak a̱ hʋsh yʋmohmishke.

Tutelonomi 7:6

Chin Chitokaka Chihowah ya̱ im okla holitopa chia hoka; chin Chitokaka Chihowah yʋt okla moma yakni paknaka aiasha ka̱ i̱ shahlit immi atokowa chia ha chi̱ ho̱ atokolit chishi tok.

Titus 2:14

Yohmi kʋt yʋmmak ash osh ai ashʋchika puta ka a pi hlakofihinchi cha, pi kashofi na ilap immi okla holitopa fehna e toba cha, nan toksʋli achukma puta ka a yiminta hosh isht il ahanta he mak o̱, pi ʋlhtoba hosh illi tok.

1 Pita 2:9

Amba isht atiaka ʋlhtoka, mi̱ko i̱ na holitompa isht ʋtta; oklushi holitopa, Chihowa immi ai a̱hli fehna hʋchia hoke: yohmi ka yʋmmak osh hʋchi̱ ho̱wʋt ai okhlilika ya̱ a kohchit im atohwikeli chinto ka hʋchi foyuki tuk o̱, ilap isht aiokpahancha he a̱ puta ka otʋninchit hʋsh ano̱honla he a tok: