Tutelonomi 26:17 - Chahta Holisso Holitopa 1886

¹⁷ Himak nitak a̱ Chihowah ak osh chin Chitokaka ya̱ chi̱, micha i̱ hina ak o̱ ish ai itʋnowa chi̱, micha i̱ nanʋlhpisa bilia, micha im anumpa micha aiʋlhpiesa yʋmi̱hinchi aiena ka̱ ish iesha chi̱, micha im anumpa ha̱ ish i̱ haponakla chi̱, a̱hli hosh ish mihʋshke.

Tutelonomi 26:17 Iomraidhean Croise

Genesis 28:21

Yʋmohmi ho̱ achukma̱kʋt a̱ki in chuka ya̱ anonti ʋla li hokma, yohmikma Chihowah ak osh an Chitokaka yashke.

Atʋloa 48:14

Ilʋppak osh Chitokaka yosh pi̱ Chitokaka billiʋt billia yoke; yʋmmak osh pi pehliechit nan illi ha̱ ishit pi ona hi oke.

Eksotʋs 15:2

Chihowah ak osh ʋmi̱ hlampko, micha ʋm ilhtalowak oke, micha aiokcha̱ya li tobʋshke; yʋmmak osh an Chitokaka yoke; atuk o̱ ai ahanta im atahli la chi̱ hoke: a̱ki in Chitokaka yoke, atuk o̱ holitoblichi la chi̱ hoke.

Eksotʋs 19:8

Mihma okla moma kʋt itibafokʋt afalamichit Chihowah yʋt anumpuli tuk moma kak o̱ e yʋmihcha chi̱ hoke, achi tok. Mihma Moses ʋt okla im anumpa ha̱ falamichit Chihowah ya̱ isht im ona tok.

Eksotʋs 20:19

Micha Moses a̱, Chishno ak osh ish pim anumpulikma e haklashke; amba Chihowah yʋt ik pim anumpulo kashke, pilli yoba ná, im achi tok.

Eksotʋs 24:7

Mihmʋt nan itim apesa holisso ha̱ eshi cha, okla hʋt ha̱klo ho̱ itim anumpuli tok; mihma okla hʋt, Chihowah yʋt achi tuk, moma kak o̱ e yʋmihcha chi̱ hoke, micha il im antia chi̱ hoke, achi tok.

Apostel isht Anumpa 27:23

Himak ninak a̱ Chihowa yʋmmak o̱ immi sia hosh, mihi yo̱ im atihi̱ya li yatuk mak o̱, im enchil ʋt sa tuma ya̱ hikiʋt,

Loman 6:13

Hʋchi haknip moyuma ka ʋlhpesa ahnit, nan ik ai ʋlhpieso isht a yʋmohmi yo̱ chiyuhmit isht hʋsh ashʋchi ná; amba illi tok osh falamʋt okcha̱ya ho̱ chiyuhmit, Chihowa ya̱ hʋsh il im issashke; micha hʋchi haknip moyuma kʋt Chihowa yak o̱ nan isht ai ʋlhpiesa isht i̱ yʋmohmi mak o̱ hʋsh chiyumashke,

2 Kolinhlian 8:5

Yohmi kʋt ilʋppak o̱ okla yʋmihchi tuk, yohma he ahnit pim anukfila tuk keyu; yohmi kia na tikba Chitokaka yoka okla il im issa cha, anonti Chihowa nan ai ahni pulla ho̱ pishno ma pim il issa tuk oke.

Tutelonomi 13:18

Chin Chitokaka Chihowah im anumpa ha̱ ish haponaklo cha, im anumpa moma ka̱ himak nitak a̱ chi̱ miha li ka̱ ieshit chin Chitokaka Chihowah itikba ya̱, aiʋlhpiesa kak o̱ ish yʋmihchikma, chi apaknʋchashke, achi tok.

Tutelonomi 15:5

Peh chin Chitokaka Chihowah im anumpa achukmalit haponaklot, anumpa ilʋppa puta moma himak nitak a̱ chim anumpo̱honli li ka̱ ithaiyanʋt ish yʋmihchikma.

Tutelonomi 27:10

Yʋmohmi hoka chin Chitokaka Chihowah im anumpa ha̱ i̱ haponaklot, im anumpa ʋlhpisa, micha nan ʋlhpisa bilia himak nitak a̱ chi̱ miha li ka̱ ish yʋmi̱hinchashke, achi tok.

Tutelonomi 29:12

Chin Chitokaka Chihowah ya̱ nan itim apesa, micha im anumpa kʋllo anumpulit, himak nitak a̱ chin Chitokaka Chihowah yʋt chitim api̱hi̱sa ka̱ ish itim apesa chi̱ ha tuk oke.

Tutelonomi 30:16

Yohmi hosh himak nitak a̱ chin Chitokaka Chihowah ya̱ ish holitobli cha, i̱ hina ya̱ ish ai itʋnowʋt, im anumpa, micha i̱ nan ʋlhpisa bilia, micha im aiʋlhpesa yʋmi̱hinchi ya̱ ish ieshi cha, chi okchayʋt ish apaknʋcha he o̱ chi̱ miha lishke: mikma chin Chitokaka Chihowah yʋt yakni ya̱ ish isha chi̱ hosh yʋmma pilla ish ia ka̱ a chi yukpala hi oke,

Choshua 22:5

Yohmi kia ahah! ahni fehnʋt, nan ʋlhpisa puta Chihowa in tishu Moses ʋt atokolit hʋchi̱ miha kʋt, Chitokaka hʋchin Chihowa ya̱ holitoblit, ai ahni bieka ho̱ anoho̱wʋt, nan apihi̱sa puta ka ieshit, micha asitiʋt, micha chu̱kʋsh aioklu̱hʋt, micha shilombish aioklu̱hʋt hʋsh im antiashke, ahanchi tok a̱ hʋsh im antihi̱yashke, im achi tok.

Choshua 24:22

Mihma Choshua ʋt okla hash, Chihowa ya̱ hʋsh im antia chi̱ hosh hʋsh atokoli kʋt hʋchishno akinli hʋsh il atokoli, hʋsh tobʋshke, im achi ma, Nan atokoli pia hoke, okla achi tok.