Tutelonomi 26:15 - Chahta Holisso Holitopa 1886

¹⁵ Ish aiahanta holitopa, ʋba aholitopa ya̱ binilit aka et ish hopo̱koyashke, micha chim okla Islael, micha yakni ilʋppa pi̱ki ʋhleha ha̱ anumpa kʋllo ish im ilonochi tok mak osh, yakni pishukchi micha foe‐bila aiena kʋt ayanahanli ya̱ ish pima tok ʋt na yukpali ish onochashke, ish achashke.

Tutelonomi 26:15 Iomraidhean Croise

1 Mi̱ko 8:27

Yohmi kia Chitokaka yʋt yakni ya̱ ahanta hinla mʋhli cho? Yakeh! shutik ont aiʋhli iksho, micha ʋba yakni puta moma i̱ shutik ont ai ʋhli iksho hoh kia chiesha he keyushke; aboha ikbi li tuk ilʋppak okak heto nanta isht ahoba he keyushke.

1 Mi̱ko 8:43

Ʋba aholitopa ya̱ ish ai ahanta kʋt et ish a haklo cha, okla inla hatak osh nana chim asilhha ka moma ish i̱ yʋmihchashke: yʋmohmi ho̱ okla moma yakni paknaka aiasha kʋt chi̱ hohchifo ha̱ ithana cha, chim okla Islael ak inli chiyuhmit okla chi̱ nukwiashke: micha aboha ikbi li tuk ilʋppʋt chi a hohchifo ka okla ithaiyanashke.

Atʋloa 28:9

Chim okla ha̱ ish okchalinchi cha, chimmi hatuk ʋt ish yokpalashke, micha chukfʋlhpoba chomihchit ʋpesʋchit isht ish a̱ya na billiashke.

Atʋloa 51:18

Ish i̱ kana kak osh Saion a̱ nan achukma ho̱ ish i̱ yʋmihchashke; Chelusalem ʋholihta ya̱ ish ikbashke.

Atʋloa 68:5

Im ai a̱ha̱tta hulittopa ya̱ a̱tta hosh Chitokaka yʋt ʋlla ʋlhtakla ʋhlehah I̱ki yoke; micha ohoyoh i̱ hʋttak illi ʋhleha ha̱ nan im apesa yoke.

Atʋloa 80:14

Chitokaka, nan u̱ha i̱ Chitokaka ma, awet ish fillemashke; ʋba et a hopo̱koyot ish pisah pulla cha, pa̱kkʋpi ilʋppa̱ ish im a̱yashke.

Atʋloa 80:15

Micha nana ho̱ chibbak ishtimpakimma yʋt hokche tuk, micha ushi ish ili̱ hufantiche tuk aiena ka̱ ish ʋtonashke.

Atʋloa 90:17

Mikma̱ pi̱ Chitokaka Chihowa isht i̱ kana yʋt pi onuttoiyulashke; mikma̱ pibbak nan a toksʋli ya̱ ish pim ai ahlichikmʋt, pibbak nan a toksʋli ya̱ ish ai a̱hlichashke.

Mahlu 6:9

Yohmi hoka yakohmichi hosh ʋba hʋsh anumpulashke: Pi̱ki ʋba ish binili ma! Chi hohchifo hʋt holitopashke.

Apostel isht Anumpa 7:49

Ʋba yʋt ʋm aiasha okma, yakni ʋt saiyi ai o̱ hikia yoke. Chuka nanta ho̱ hʋs sʋm ikba chi̱ ho̱? mikma a foha li ak osh nanta ho̱?

Tutelonomi 1:8

Yakeh, yakni ya̱ hʋchi tikba talali lishke; chukowʋt yakni ya̱ Chihowah yʋt hʋchi̱ki ʋhleha Eblaham, micha Aisaak, micha Chekob, micha im ishtiaka iakaiyʋt mihinti aiena ka̱ anumpa kʋllo anumpulit, ima tok a̱ hʋsh ishashke, achi tok oke, achi tok.

Tutelonomi 26:14

Ya̱ya li moma kʋt ak po tuk oke; micha nana achʋfa kia na liteha isht ikbi li tuk keyu, micha nana achʋfa kia illi ya̱ ima li tuk keyu hoke; amba an Chitokaka Chihowah im anumpa ha̱ haiyaklo li mʋt, nana is sʋm apesa tuk moma ka̱ yʋmihchi li tuk oke.

Tutelonomi 26:7

Mihma pi̱ki ʋhleha in Chitokaka Chihowah ya̱ il i̱ pa̱ha̱ya ma, Chihowah yʋt pi̱ haponaklo mʋt, pilbʋsha ka̱, micha pim atoksʋli ka̱, micha pissikkopali ka̱ pi̱hi̱sa tok.

Tutelonomi 26:9

Atuk osh ilʋppa pisht ʋlʋshke, micha yakni ilʋppa, yakni pishukchi, micha foe‐bila aiena kʋt ayana̱hanli ilʋppa fehna ka̱ pimʋshke.

Tutelonomi 6:3

Yʋmohmi hoka Islael ma, ish haiyaklashke, micha ithaiyanʋt, ish yʋmihchashke; yʋmohmi hosh chi̱ki ʋhleha ha̱ in Chitokaka Chihowah yʋt achit, im issa tok mak o̱, yakni pishukchi micha foebila ayanahanli ya̱ aiasha apaknʋt isht i̱ shahli fehnʋt hʋsh ma̱ha̱yashke.