Tutelonomi 26:13 - Chahta Holisso Holitopa 1886

¹³ Yohmikmʋt chin Chitokaka Chihowah itikba ya̱, Na hullochi yash an chuka ya̱ ishit kohcha lishke, micha chim anumpa moma is sʋm api̱hi̱sa tuk mak o̱, Lefait, micha okla inla, ʋlla i̱ki illi, micha ohoyo ʋlhtakla aiena ka̱ ima lishke; chim anumpa ha̱ ak ʋbanʋbloshke, micha ik sʋmahakoshke,

Tutelonomi 26:13 Iomraidhean Croise

Atʋloa 119:139

A̱ tʋnampi ʋhleha hʋt chim ʋnnumpah putta ka̱ im ʋhaksi kak o̱, nan a yiminta li yʋt ishit sʋ kanchishke.

Atʋloa 119:141

Sʋskitinih, micha ik sʋ holittopo hoh kia, chi̱ nan ʋlhpisa putta ka̱ ik sʋm ihakso hoke.

Atʋloa 119:153

Chi̱ nan ʋlhpisa ya̱ ʋm ihaksih keyu hoka̱, nan ʋm a pʋllʋmmi ka̱ ish pesa cha, is si a kohchichashke.

Atʋloa 119:176

Chukfi kʋnia yo̱ chohmit fulohka̱ha̱chi li hoka̱, chi̱ tishu ha̱ ish hoyashke; chim ʋnnumpah ʋlhpisa putta ka̱ ik sʋm ihakso hoka̱.

Atʋloa 119:93

Yʋmmak o̱ isht is si okchalinchi tuk oka̱, chi̱ nan ʋlhpisa putta ka̱ ik sʋm ihakso ho̱ abillia chi̱ hoke.

Atʋloa 26:6

Nan okpʋni keyu yosh sʋbbak a̱ ʋchefa lish, chim alta ya̱ ʋpakfoiyupa lashke, Chihowa ma,

Apostel isht Anumpa 24:16

Yohmi hatuk o̱ Chihowa, mikmʋt hatak puta aiena itikba ya̱ chu̱kʋsh mʋt yoshoba iiksho bilia hosh ahanta la chi̱ kʋt achunanchi li chatuk oke.

2 Kolinhlian 1:12

Isht il il akostininchi isht im ai atokowa kʋt haknip imma isht hopoyuksa keyu, amba Chihowa nan isht i̱ kana pulla hatuk mak o̱ nan anukfila apissali achʋfa, micha Chihowa anukfoyuka ai a̱hli hosh yakni paknaka il ai ahanta hatuk: yohmi hokʋt hʋchishno yak heno i̱ shahlichit il a hʋchi̱ yʋmohmi, ilʋppak osh nan isht il il aiyukpa hoke.

2 Kolinhlian 11:31

Chihowa pin Chitokaka Chisʋs Klaist I̱ki, holitopa bilia yak osh, holabi li keyu ka ithaiyana hoke.

Tutelonomi 14:29

Mikma Lefait ʋt (yʋmmʋt i̱ kashapa, micha ai isha he ʋlhpesa yʋt chiba fo̱kʋt ik im iksho hokʋt) micha okla inla, micha i̱ki iksho, micha i̱ hatak illi, chi̱ holihta okhissa anu̱kaka aiasha aiena kʋt ʋla cha, ʋpʋt fihopashke; yʋmohmi ho̱ chin Chitokaka Chihowah yʋt chibbak na toksa̱hanli moma isht ish ahanta ka̱ chi yukpalashke, achi tok.

Tutelonomi 26:12

Afʋmmi ont isht atuchina yʋmmak osh ishit pokoli ishi afʋmmi hoka, na chi̱ waya ishit pokoli moma ka̱ ishit pokoli ya̱ apesʋt chim ʋlhtaha cha, chi̱ holihta okhissa anu̱kaka ya̱ impʋt kaiyʋt aiasha chi̱ ka̱ Lefait, okla inla, ʋlla i̱ki illi, micha ohoyo ʋlhtakla aiena ka ish emakmʋt,

Tutelonomi 26:14

Ya̱ya li moma kʋt ak po tuk oke; micha nana achʋfa kia na liteha isht ikbi li tuk keyu, micha nana achʋfa kia illi ya̱ ima li tuk keyu hoke; amba an Chitokaka Chihowah im anumpa ha̱ haiyaklo li mʋt, nana is sʋm apesa tuk moma ka̱ yʋmihchi li tuk oke.

1 Hlessalonian 2:10

Hʋchishno, micha Chihowa ak kia kaniohmit chu̱kʋsh kashofʋt ai ʋlhpiesa, micha anumpa onʋtula he iksho ho̱ na yimmi ʋhleha hʋchia ha̱ hʋchi takla il a̱shwa tok a̱ atokolit pi anoli hʋchia hoke.