Tutelonomi 26:12 - Chahta Holisso Holitopa 1886

¹² Afʋmmi ont isht atuchina yʋmmak osh ishit pokoli ishi afʋmmi hoka, na chi̱ waya ishit pokoli moma ka̱ ishit pokoli ya̱ apesʋt chim ʋlhtaha cha, chi̱ holihta okhissa anu̱kaka ya̱ impʋt kaiyʋt aiasha chi̱ ka̱ Lefait, okla inla, ʋlla i̱ki illi, micha ohoyo ʋlhtakla aiena ka ish emakmʋt,

Tutelonomi 26:12 Iomraidhean Croise

Genesis 47:24

Atukma yakohma hi oke, wayakma kʋshkoa ishit tahlapi kak o̱ Falaoh ha̱ hʋsh imashke, mikma kʋshkoa ushta kak osh hʋch immi ya chi̱ hoke, micha osapa a hollokcha chi̱ pehna, micha hʋchishno, micha hʋchin chuka achʋfa im ilhpak, micha im ʋlla ʋhleha im ilhpak achi̱ hoke, im achi tok.

Genesis 47:26

Yʋmohmi ho̱ Chosef ʋt Echip yakni ya̱ nana im apesa ka̱, Falaoh hʋt kʋshkoa ishit tahlapi kak o̱ isha hi atok osh himak nitak a̱ yʋmohmi hoke; amba naholitompa isht asha i̱ yakni ak illa hosh Falaoh immi ik tobo tok.

Lefitikʋs 27:30

Micha yakni ya̱ nana ishit pokoli puta, yakni nana awaya puta, keyukmʋt iti ʋni puta kʋt Chihowah immi hoke, Chihowah i̱ holitopa hoke.

Numbas 18:24

Amba Islael im ʋlla ʋhleha nan im isht i̱ pokoli, yʋmma i̱ walit im issa yo̱ Chihowah im ihi̱sa yak o̱, ai isha he ʋlhpesa mak o̱ Lefait ʋhleha ima li hoke. Yohmi kak o̱ Islael im ʋlla ʋhleha ai itin takla ya̱ ai isha he ʋlhpesa yʋt ik im iksho ka chi̱ hoke, im achi li tuk oke, achi tok.

Tutelonomi 16:14

Micha chim impʋchi ya̱ nan isht chi yukpashke, chishno, micha chiso, micha chiso tek, micha chin tishu hatak, micha chin tishu ohoyo, micha Lefait, micha okla inla, micha i̱ki iksho, micha ohoyo ʋlhtakla chi̱ holihta okhissa anu̱ka aiasha aiena kʋt na yukpashke:

Heblu 7:5

Yohmi ka Lefai ushi ʋhleha atuk ʋt na‐holitompa isht ʋtta ʋlhtoka kʋt, okla yʋmmʋt itibapishi; micha Eblaham ak o̱ isht atiaka yak inli kia, ʋba nan‐ʋlhpisa in tonla hatuk osh, a kashapa ont isht pokoli ka im ai ishi beka mʋhlishke:

Heblu 7:9

Yohmi ka Lefai yokʋt a kashapa ont isht pokoli ka ihi̱shi kia, Eblaham ak o̱ isht ai unchululi hokʋt, a kashapa ont isht pokoli ka Eblaham a̱ ibai atobbi ak inli tok, yʋmma chiyuhmi achi la hinla ak inli hoke.