Tutelonomi 26:10 - Chahta Holisso Holitopa 1886

¹⁰ Atuk o̱ himak a̱ yakeh, Chihowah ma, is sʋma tok a̱ yakni yash awaya ʋmmona ka̱ isht chim ʋla lishke, ish acha hi oke; micha chin Chitokaka Chihowah itikba ya̱ ish talalashke, micha chin Chitokaka Chihowah itikba ya̱ ish aiokpʋchashke.

Tutelonomi 26:10 Iomraidhean Croise

Atʋloa 22:27

Yakni ont atahaka moma kʋt ithana cha, Chihowa ha̱ i̱ fʋlamashke, micha oklushi puttah ai achʋffa moma kʋt chi tikba ya̱ ayokpʋchashke.

Atʋloa 22:29

Yakni paknaka nia ʋhlehah moma kʋt impa cha, ayokpʋchih pulla hi oke; akka o̱ho̱na kʋt kʋnioht ilap inlit il okchalincha he keyu moma kʋt itikba ai ʋkahchunola hi oke.

Atʋloa 86:9

Oklushi momah ish ikbi tok ʋt chi tikba ʋlʋt chi ayokpʋchashke, a̱ Shahlih ma; micha chi hohchifo ha̱ hulittoblichashke.

Atʋloa 95:6

Intah! ayokpʋchit iloh im ʋkahchunnolashke; hʋp ikbi tok Chihowa itikba eho hachukbihlepashke.

Eksotʋs 22:29

Chi̱ na waya ʋmmona ya̱ chim oka pa̱ki, micha alif bila aiena ka̱ is sʋm issa kʋt chik achibalo kashke; chiso ʋttahpi ya̱ is sʋma hi oke.

Eksotʋs 23:19

Chi̱ yakni awaya ʋmmona ti̱kba yo̱ Chihowah chin Chitokaka im aboha ya̱ isht ish ona hi oke. Issi kosoma ushi yo̱ ishki i̱ pishukchi a̱ isht ish honna he keyu hoke.

Loman 2:1

Yʋmohmi ka kʋna chia hoh kia inla anumpa ish onochikmʋt, nan isht ile mihacha hi ʋt ik chim ikshoshke, hatak chia ma! kʋna chia hosh inla anumpa ish onochi hokmʋt, nana yʋmmak ash inli ho̱ ish ai yʋmohmi chatuk okʋt; nana ho̱ inla ya̱ ish onochi kʋt, chishno yash inli hosh anumpa ish il onochi hoke.

1 Kolinhlian 10:31

Yʋmohmi hoka hʋsh impa, keyukmʋt na hʋsh ishko, keyukmʋt nana ho̱ hʋsh yʋmihchi hokmʋt, Chihowa isht a holitopa chi̱ ho̱, mominchit hʋsh yʋmohmashke.

Tutelonomi 18:4

Micha onush chi̱ waya ʋmmona, chim oka‐paki, micha chi̱ bila, micha chin chukfi hishi ʋlmo ʋmmona aiena ka̱ ish ima hi oke.

Tutelonomi 26:17

Himak nitak a̱ Chihowah ak osh chin Chitokaka ya̱ chi̱, micha i̱ hina ak o̱ ish ai itʋnowa chi̱, micha i̱ nanʋlhpisa bilia, micha im anumpa micha aiʋlhpiesa yʋmi̱hinchi aiena ka̱ ish iesha chi̱, micha im anumpa ha̱ ish i̱ haponakla chi̱, a̱hli hosh ish mihʋshke.

Tutelonomi 26:2

Yakni awaya ʋmmona moma chi̱ yakni chin Chitokaka Chihowah yʋt chima tok a̱ ish ai ishi cha̱ isht a̱yʋt, kishi ish fohkikmʋt, kanima ho̱ chin Chitokaka Chihowah yʋt aiatokolit hohchifo ha̱ a bohla he ahnikma, yʋmma isht ish onashke.

Tutelonomi 26:4

Mihma naholitompa isht ʋtta yʋt kishi chibbak fohka kash ishi cha chin Chitokaka Chihowah im alta itikba ya̱ talala hi oke.

Tutelonomi 8:18

Amba chin Chitokaka Chihowah ya̱ ish ithaiyanashke: yʋmmak osh holitopa ish aiesha chi̱ ka̱, nan isht aia̱hli chima kʋt, nan itim apesa yʋmmak oka chi̱ki ʋhleha ha̱ anumpa kʋllo im ilonochi tok a̱ himak nitak a̱ yʋmohmi hoka ai a̱hlicha chi̱ kak atok.

Nan Otʋni 22:9

Yohmi ma, Ahah! ahnit chik yohmo kashke; tishu chitilaui, micha chitibapishi hopaii ʋhleha, micha holisso ilʋppa ai anuhumpa tuk a̱ holitobli ʋhleha ai ibachʋfa sia hoke; Chihowa ak o̱ ish aiokpʋchashke, yʋmmak ash ot ʋm achi tok.