Tutelonomi 26:1 - Chahta Holisso Holitopa 1886

¹ Atukma yakohma hi oke, chi̱ yakni ya chi̱ ho̱ chin Chitokaka Chihowah yʋt yakni chima tok a̱ ish ona cha, yʋmmak o̱ abinilit ish aiashakmʋt,

Tutelonomi 26:1 Iomraidhean Croise

Numbas 15:18

Islael im ʋlla ʋhleha ha̱ im anumpulit, Yakni hʋch isht ona la chi̱ yʋmma hʋsh onakmʋt,

Numbas 15:2

Islael im ʋlla ʋhleha ha̱ im anumpulit, Hʋsh aiasha chi̱ yakni hʋch ima li tok a̱ hʋsh onakmʋt,

Tutelonomi 13:1

Hʋchim ai iti takla hopaii yosh, keyukmʋt, na holhpokuna ya̱ holhpokuna yosh wakayʋt hikia cha, nan isht atokowa, keyukmʋt, na fehna yo̱ chi̱ haiakʋchikma,

Tutelonomi 13:9

Amba ish bi pulla hi oke: illichi ka̱ tikbanli hosh chishno ak osh chibbak a̱ ish onocha hi oke; mikma i̱ himmak a yo̱ okla moma kʋt ibbak onocha hi oke.

Tutelonomi 17:14

Chin Chitokaka Chihowah yʋt yakni chima tok a̱ ish onakmʋt, ish ishi cha ish aiashakmʋt, Oklushi inla puta si apakfoyupa aiasha ka̱ chohmit sa pehlicha chi̱ ka̱, mi̱ko ikbit binilichi lashke, ish achikmʋt,

Tutelonomi 18:9

Chin Chitokaka Chihowah yʋt yakni chima tok a̱ ish onakmʋt, oklushi yʋmma puta a yʋmihchi nan isht yuwala ya̱ hobachit yʋmihcha chi̱ ka̱ ish ithʋna he keyu.

Tutelonomi 19:10

Yʋmohmi ho̱ chi̱ yakni ya̱ chimmi ha chi̱ ho̱ chin Chitokaka Chihowah yʋt chima tok a̱, nan ashʋchi keyu issish ʋt ik ahlatapo kashke: micha yohmi ho̱ issish ʋt ik chi onʋtolo kashke.

Tutelonomi 19:3

Hina ish ilai ikba hi oke: micha chi̱ yakni aiʋhli ish aiasha chi̱ ho̱, chin Chitokaka Chihowah yʋt chima tuk a̱ kʋshkoa tuchina ho̱ ish ita kʋshkola hi oke: yohmikma hatak bi̱ka ʋbi puta kʋt yʋmmak o̱ pit malela hi oke.

Tutelonomi 25:19

Yʋmohmi hoka yakohma hi oke, yakni yash a binilit ish iesha chi̱ ho̱ chin Chitokaka Chihowah yʋt chima tok a̱, chin tʋnʋp puta fullota ka̱ chin Chitokaka Chihowah yʋt chi fohʋchikma, shutik nutaka ya̱ Amalek isht ithana ya̱ kashofit ish kanchashke, ik chim ahakso kashke. (achi tok.)

Tutelonomi 26:2

Yakni awaya ʋmmona moma chi̱ yakni chin Chitokaka Chihowah yʋt chima tok a̱ ish ai ishi cha̱ isht a̱yʋt, kishi ish fohkikmʋt, kanima ho̱ chin Chitokaka Chihowah yʋt aiatokolit hohchifo ha̱ a bohla he ahnikma, yʋmma isht ish onashke.

Tutelonomi 4:21

Micha Chihowah yʋt hʋchishno ak a tuk pulla mak o̱, a̱ nukhobela cha, anumpa kʋllo anumpulit, Chatan a̱ ak hlopullo ka he, micha yakni achukma yʋmma hʋchi̱ yakni ya̱ chi̱ ho̱ chin Chitokaka Chihowah yʋt hʋchima tok a̱ ak chukowo ka chi̱ miha tok,

Tutelonomi 5:31

Amba chishno ʋto a̱ bili̱ka ilʋppa ish hikiakma, anumpa moma micha nan ʋlhpisa bilia, aiʋlhpiesa yʋmi̱hinchi puta ka̱ chim anumpohonli likma, yʋmmak oka ish im abʋchikma aiasha chi̱ ka, yakni ima li tok a̱ aiashʋt yʋmihinchashke, im achi tok.

Tutelonomi 7:1

Chin Chitokaka Chihowah yʋt ish a binila chi̱ hosh ish ia ka̱ yakni ya chishtona cha, oklushi laua, Hittait, micha Kikashait, micha Amolait micha Kananait, micha Pelisait, micha Hifait, micha Chebusait, oklushi untuklo hochito, micha kʋllo kʋt, chishno ya̱ chi̱ shahli ho̱ chi tikba ya akohchit kanchikmʋt;