Tutelonomi 25:9 - Chahta Holisso Holitopa 1886

⁹ Yohmikma itibapishi tekchi ash osh im asʋnonchi ai itin takla ho̱ bili̱ka ona cha, iyi shulush honlo tuk a̱ i̱ shufi cha, nashuka ya̱ on tofashke, micha afalaminchit, Itibapishi ha̱ chuka ikbit i̱ hilechi ik bʋnno yano, hatak a̱ yakohmichashke achashke.

Tutelonomi 25:9 Iomraidhean Croise

Numbas 12:14

Mihma Chihowah yʋt Moses a̱ I̱ki ʋt nashuka ya̱ on tofa illa tuk okma, nitak untuklo ho̱ hofahya hinla keyu cho? nitak untuklo ho̱ binah ha̱ kohchichashke, yohmi ha yosh anonti falʋmminchit ishashke, achi tok.

Mahlu 26:67

Yohmi ma nashuka ya̱ on tuftua ma, ibbak a̱ bonullit isht isso tok, kanimi kʋt ibbak a̱ isht pasalichi mʋt,

Mahlu 27:30

Mihmʋt yʋmmak ash o̱ okla on tuftua, micha ku̱shak ash ishi cha, noshkobo ha̱ isht boli aiena tok.

Mark i̱ Holisso 1:7

Mihmʋt ʋbanumpa isht anumpohonli mʋt, Ʋno a̱ a̱ shahli fehna hosh auet siakaiyʋt minti, yʋmmak okʋno ʋno ʋt i̱ shulush isht‐talakchi yak kia a hlipiʋt hotofi la he si ahoba keyu hoke.

Mark i̱ Holisso 10:34

Mikmʋt yʋmmak ash o̱ okla ishit yopula, micha fʋmmi, mikmʋt on tuftua aiena cha, okla ʋba chi̱ hoke: atukma nitak ont atuchinakma falamʋt tana hi oke, achi tok.

Chan 1:27

Yʋmmak osh siakaiyʋt minti kʋt holitopa kʋt a̱ shahli ka, i̱ shulush isht‐talakchi a̱ hotofi la he si ahoba keyu mak oke, achi tok.

Tutelonomi 25:10

Mikma hohchifo kʋt Islael a̱; shulush i̱ shu̱fa in chuka, achashke.

Tutelonomi 25:8

Yohmikma in tʋmaha holihta im asʋnonchi ʋhleha hʋt hoyo cha, im anumpulashke; mikma kʋllot hikia cha, ishi ik sa bʋnnoshke, achikma,

Luth 4:6

Mihma i̱ kanomi yash osh yakni ieshi li ʋlhpesa kash okpʋni la hinla hatuk osh, ʋno yak inli hokʋto falaminchit chumpa la he keyu; ʋmmi ʋlhpesa tuk a̱ chishno yak osh falaminchit chumpʋt ish ishashke; falaminchit chumpa la he keyu hoka, achi tok.

1 Samuel 2:30

Yʋmohmi hoka Islael in Chitokaka Chihowa ʋt yak achishke, Chin chuka achʋfa, micha chi̱ki in chuka achʋfa ʋt sa tikba a noho̱wa na bilia hi oke, achi li mʋhli tok: yohmi tok kia himak ano Chihowa ʋt achi kʋt, Ak yohmo kashke; sa holitoblikma, yʋmmak oka holitobli la he, micha kʋna hosh sa shitilemakmʋt, ik ahobo ka hi oke.