Tutelonomi 25:5 - Chahta Holisso Holitopa 1886

⁵ Itibapishi ʋhleha hʋt itapihʋt a̱sha tuk o̱, achʋfa kʋt illi mʋt, ʋlla ik im ikshokma illi yash tekchi ya tuk ʋt naksika hatak inla yo̱ auwaya he keyu; i̱ hatak itibapishi ak osh iba chukowʋt itauwaya cha, i̱ hatak itibapishi nana akaniohma he ʋlhpesa kak o̱ i̱ yʋmihchashke.

Tutelonomi 25:5 Iomraidhean Croise

Genesis 19:31

Atuk o̱ akni ash osh nakfish a̱, Pi̱ki ʋt sipoknishke, mikma yakni moma a yʋmohmi chatuk a̱ yʋmohmit piba tʋshka hi ʋt hatak nana kia yakni paknaka ya̱ ikshoske.

Mahlu 22:24

Nan ithʋnanchi ma! Hatak ʋt ʋlla yʋt ik im iksho hosh illi hokma, nakfish ʋt tekchi atuk a̱ itauwaya cha, itibapishi hatuk a̱ ʋlla isht im ai ikbashke, Moses ʋt achi tok.

Mark i̱ Holisso 12:19

Nan‐ithʋnanchi ma! Kʋna hoh kia itibapishi hʋt tekchi a̱sha hosh ʋlla ʋt iksho ho̱ illikma, itibapishi ash osh tekchi atuk a̱ itauwaya cha, itibapishi im ʋlla ai ikba hi o̱, Moses ʋt holisso pim ikbi tok.

ʋBanumpa Luk Ʋt Holissochi Tok 20:28

Nan‐ithʋnanchi ma! hatak nana kia itibapishi hʋt illi kʋt tekchi ʋt a̱sha hosh, ʋlla yʋt iksho ho̱ illi hokma, itibapishi hatuk ak osh tekchi atuk a̱ ilaueli cha, itibapishi hatuk a̱ ʋlla isht im ai ikba hi oka, Moses ʋt holissochit pi̱ bohli tok.

Luth 1:11

Mihma Naomi ʋt, Sʋso tek ʋhleha ma! hʋsh falamashke; nanta katiohmi ho̱ si awant hʋsh ia hinla ho̱? himakma ushi ʋt ʋm oshʋto ya̱ ʋlhto tuk osh hʋchi̱ hatak toba hinla cho?

Luth 3:13

Himak ninak a̱ ish anta tuk o̱ onnahinlikma, i̱ kanomi nana a kaniohmichi chatuk a̱ chi̱ yohmikma ʋlhpesa chi̱: i kanomi nana akaniohmichi chatuk a̱ yohmashke: amba i̱ kanomi nana akaniohmichi chatuk a̱ chi̱ yohma he keyukma, ʋno ak osh i̱ kanomi nana akaniohmichi chatuk a̱, Chihowa yʋt okcha̱ya pulla ka, chi̱ yohmi la chi̱ hoke; ish itonla na onnashke, achi tok.

Luth 3:2

Yohmi ka himak a̱ Boas yʋmma ohoyo himita ʋhleha im aiasha kak o̱ takla ish a̱ya tuk ʋt pi̱ kanomi keyu̱? yakeh! himak ninak a̱ a nihechi ya̱ bali mʋslichit isht anta hoke.

Luth 3:9

Mihma, Kʋta chia hoh cho? achi ma, afalamichit, Chin tishu ohoyo Lulh sia hoke: yʋmohmi hoka chin tishu ohoyo ha̱ ish anchi ʋhli ka et si onochí; a̱ kanomi fehna chia hokʋt.

Luth 4:5

Mihma Boas ʋt, Nitak kaniohmi ho̱ osapa yash Naomi ish in chumpakmʋt, Moab ohoyo Lulh illi tok tekchi ak kia ish in chumpa cha, illi tok hohchifo ha̱ im ikbit i̱ yakni ya̱ ish ai o̱ hilechi pullashke, achi tok.