Tutelonomi 25:2 - Chahta Holisso Holitopa 1886

² Atukma yakohma hi oke, hatak yoshuba tuk ʋt boa he ʋlhpesakma, pi̱sa ho̱ ishtakanumi tuk a̱ itʋlhpisa ho̱ holhtina kaniohmi kʋt aka itola cha, onʋtola chi̱ ka̱ nan apesa ʋt apesashke.

Tutelonomi 25:2 Iomraidhean Croise

Mahlu 10:17

Yohmi kia hatak puta ka ahah! hʋsh im ahnashke: yʋmmak okʋt ishit nan apesa ʋhleha ibbak a̱ hʋchi foho̱kikma, i̱ sinakak puta ka a hʋchi fahama he mak oke.

Mahlu 27:26

Yohmi ma yʋmmak ash osh Balabas ak o̱ okla ha̱ imi̱ hotofi tok: micha Chisʋs ash o̱ fʋmmit issa mʋt, ititaiyukhʋna ahonʋhla chi̱ mak o̱ im issa tok.

Apostel isht Anumpa 23:3

Mihma Pal ash ot, Chihowa yʋt chishno ak o̱ chissa chi̱ hoka, holihta kʋllo tohbi chia ka; nan ʋlhpisa yo̱ nan isht ʋm ai apesa chi̱ hosh ish a̱sha mʋt, anonti nan ʋlhpesa ya̱ ai ʋlhpesa keyu ka, sʋssa hi a̱ ish miha cho? im achi tok.

Apostel isht Anumpa 5:40

Mihma, ʋlhpesa okla im ahni tok. Micha ʋbanumpa isht ʋtta ʋhleha hash i̱ howa cha, fʋmmit ashachi mʋt, Chisʋs hohchifo ha̱ okla isht ik anumpolo ka chi ka̱, im apesʋt taiyahli cha, kʋnompit tihleli tok.

1 Pita 2:20

Yohmi ka nana ai ʋlhpiesa keyu ho̱ hʋsh yʋmohmi tuk osh ʋlhpiesa ahnit, isht hʋchi boho̱wa hokmʋt, yʋmmʋt nan isht annoa achukma nanta ho̱? amba nana ai ʋlhpiesa ho̱ hʋsh yʋmohmi tuk kia, ʋlhpiesa ahnit isht hʋch ilbaha̱sha hokʋno, ilʋppak o̱ Chihowa hokʋto isht im ʋlhpiesa hoke.

1 Pita 2:24

Yʋmmak osh nan il ai ashʋchika ya̱ ilap haknip fehna ak o̱ ilap inlit il onochi hosh iti ya̱ takali tok: yohmi ho̱ nan ai ashʋchika puta il im ihinli hosh, nan ai ʋlhpiesa ya̱ il im okcha̱ya chi̱ ha tok: yʋmmʋt fahama tok ak o̱ isht hʋchi hlakofi hoke.