Tutelonomi 25:1 - Chahta Holisso Holitopa 1886

¹ Hatak ʋt anumpa itachowa nan apesa ʋhleha hʋt nan im apesa chi̱ ho̱, nan ai ʋlhpisa ya̱ ʋlakma, aiʋlhpiesa yano i̱ kashofi cha, yoshuba tuk a̱ anumpa onucha hi oke.

Tutelonomi 25:1 Iomraidhean Croise

2 Samuel 23:3

Islael in Chitokaka ʋt yak achi tok, Islael in Tʋli chito ʋt ʋm anumpulit, Hatak ʋhleha ha̱ pehlichi kʋt aiʋlhpiesa he ʋlhpesa, Chitokaka ya̱ i̱ nukwia hosh pehliecha he ʋlhpesa hoke.

1 Mi̱ko 8:32

Yohmikma ʋba aholitopa ya̱ et ish a haklo cha, yʋmihchit, micha chin tishu ʋhleha ha̱ nan im apesʋt, nan ashʋchi yash anumpa onochit, ilap nana akaniohmi tuk a̱ noshkobo ha̱ ish onochashke; micha aiʋlhpiesa ya̱ aiʋlhpiesa tuk mak o̱, ahninchit ish im atobbashke.

Eksotʋs 22:9

Anumpa kobʋffi moma wak a tuk, issuba nashoba atuk okma, chukfi, nafohka, keyukmʋt nana kʋnia, nana kia inla hosh immi mihakma, anumpa ahalaia in tʋnnʋp bi̱ka kʋt nan apesa ʋhleha ha̱ itikba onashke: atuk o̱ kanima ho̱ nan apesa ʋhleha hʋt onochikma in chuka abili̱ka hatak a̱ inlohmi tuklo ho̱ atobbashke.

Mahlu 3:10

Yohmikma himak ak kia iskifa yʋt iti puta akishtʋla ya̱ itonla hoke; yohmi hatuk o̱ iti yʋt ʋni achukma ho̱ ʋnit waya keyu kʋt moyumʋt cha̱yʋt akakoha cha, luak pit itokaha chatuk oke.

Tutelonomi 17:11

Nan ʋlhpisa anumpa apesʋt chim abʋchi tuk mak o̱, micha anumpa ʋlhpisa chim anoli tuk mak o̱ ish yʋmihchashke: anumpa ʋlhpisa chim otʋninchi tuk a̱ fullotʋt isht impakma, keyukmʋt ʋlhfʋbekimma ish ia he keyu hoke.

Tutelonomi 24:22

Micha Echip yakni ya̱ hatak yuka hosh hʋsh aiasha tuk ʋt, hʋsh ithaiyanashke: yʋmohmi ha tuk osh nana ilʋppa hʋsh yʋmihcha he ya̱ hʋchi̱ miha lishke (achi tok.)