Tutelonomi 24:20 - Chahta Holisso Holitopa 1886

²⁰ Chim alif iti ya̱ ish bolikmʋt, anonti naksish a̱ ʋlbitelit ish bola he keyu; okla inla ʋlla i̱ki illi, micha ohoyo ʋlhtakla aiena kak o̱ immi ha hi oke.

Tutelonomi 24:20 Iomraidhean Croise

Lefitikʋs 19:10

Pa̱kʋpi hʋchim ahollokchi a̱ hʋsh ʋlbʋlla he keyu; micha pa̱kʋpi hʋchim ahollokchi yash pa̱ki ya̱ mominchit hʋsh ai ʋma he keyu hoke; ilbʋsha micha okla inla aiena ka̱ hʋsh im ashacha hi oke; Chitokaka hʋchin Chihowah sia hoke.

Lefitikʋs 19:9

Micha hʋchi̱ yakni nana awaya hʋshmokmʋt, hʋchim osapa chukbi puta ka̱ ʋmohmichit hʋshma he keyu hoke; micha hʋsh ai ʋmo yʋt ʋlbʋllit hʋsh ai ʋma he keyu hoke.

Tutelonomi 24:19

Chim osapa ya̱ na waya bʋshlit ish akʋchi tuk osh, sita achʋfa ka̱ chim ahaksi na, osapa itonla tukma, hoyot chik aiyo kashke; okla inla ʋlla i̱ki illi, micha ohoyo ʋlhtakla aiena kak o̱ immi ha hi oke: yʋmohmi ho̱ nana moma chibbak ʋt toksʋlikma chin Chitokaka Chihowah chi yukpa lashke.

Tutelonomi 24:21

Pa̱kʋpi chim ahollokchi pa̱ki ish aiʋmokmʋt, himmakma ish ʋlbʋlla he keyu; okla inla ʋlla i̱ki illi, micha ohoyo ʋlhtakla aiena kak o̱ immi ha hi oke.