Tutelonomi 24:17 - Chahta Holisso Holitopa 1886

¹⁷ Okla inla micha ʋlla ʋlhtakla i̱ki iksho aiena ka̱ ai ʋlhpiesa i̱ yʋmihchi ka̱ ish shanaiyʋcha he keyu; micha ohoyo ʋlhtakla i̱ nafohka ya̱ isht atonichi ish im isha he keyu hoke.

Tutelonomi 24:17 Iomraidhean Croise

Eksotʋs 22:20

Chihowah ak illa keyu, na holbʋt toba nana kia nan ʋbit isht aiokpʋchikmʋt ishit kanchit ʋmohmicha hi oke,

Eksotʋs 23:2

Okla la̱wa ya̱ iakaiyʋt nana ik achukmo ish yʋmihcha he keyu; micha laua kʋt nan aiʋlhpesa yʋmihchi ya̱ shanaiyacha chi̱ ka̱ iakaiyʋt ish anumpula he keyu hoke.

Eksotʋs 23:6

Chim ilbʋsha ʋt nan ʋm ʋlhpesa̱ ka̱ ish shanaiyʋcha he keyu hoke.

Eksotʋs 23:9

Micha okla inla ya̱ ish ilbʋshala he keyu: Echip yakni okla inla yosh hʋsh aiasha tuk osh okla inla chu̱kʋsh a̱ ish ithana hokʋt.

Lefitikʋs 19:33

Micha okla inla yosh hʋchi takla hʋchi̱ yakni ahanta tuk a̱ apistikelit chu̱kʋsh hʋsh okpʋna he keyu hoke.

ʋBanumpa Luk Ʋt Holissochi Tok 3:14

Yohmi ma tʋshka chipota ʋhleha hak kia i̱ ponaklot, Mikma pishno ak osh nanta hak o̱ e yʋmohma chi̱ ho̱? achi tok: yohmi ma yʋmmak ash o̱, Hatak nana kia hʋch ik o̱ mahlantokmʋt, anonti kʋna kia a holʋbit hʋch ik wehpulo kashke; yohmikmʋt na hʋchim ai ʋlhtoba ma, Ʋlhpiesa akinli hʋsh aiahnashke, im achi tok.

Tutelonomi 1:17

Nan apesa kʋt, hatak yohmi hoka, ish ahna he keyu hoke: amba chipunta kak kia hochito ka̱ iti lauechit hʋsh i̱ haponaklashke; hatak nashuka ya̱ hʋchik i̱ nukshopo kashke; nan im apesa yʋt Chitokaka immi hoka; atuk osh nana kʋt hʋchi̱ kʋllo fehnakmʋt, isht hʋs sʋm ala na, ʋno ak osh haponaklo lashke, im achi li tok.

Tutelonomi 16:19

Aiʋlhpiesa ʋlhpisa ka̱ ish shanaiyacha he keyu: hahatak yohmi hoka, ish ahna he keyu, micha nahʋlbina ish isha he keyu; na hʋlbina hʋt hopoyuksa nishkin a̱ lʋplichi hoke; micha aiʋlhpiesa im anumpa ha̱ shanaiyʋchi hoke.

Tutelonomi 24:13

Ik kaniohmi kia nan isht atonichi yash hʋshi ʋt okatulakma, anonti ish imashke; yʋmohmi ho̱ im anchi ak inli ho̱ anchit nusa hinla cha, anumpa yukpali chi onuchashke; mikma chin Chitokaka Chihowah itikba ya̱ isht ai ʋlhpiesa yʋt chim ʋlhpisashke,

Tutelonomi 24:18

Amba Echip a̱ hatak yuka hosh hʋsh aiasha tuk o̱ chin Chitokaka Chihowah yʋt falʋmminchit chumpʋt yʋmmak o̱ chi kohchi tok o̱ ish ithaiyanashke; yʋmohmi ha tuk o̱ nana ilʋppa ish yʋmihcha chi̱ ho̱ chi̱ miha lishke.

Tutelonomi 24:6

Hatak nana kia tanchi afotoha nutaka itola, keyukmʋt paknaka itola ish atonichit isha he keyu, hatak im ilhfiopak o̱ isht atonichi ha hinla ishi hokʋt.

Tutelonomi 27:19

Kʋna hosh okla inla, ʋlla i̱ki illi, micha ohoyo ʋlhtakla aiena nan im apesa kʋt shanaiyʋchikmʋt, kallakshashke: mikma okla moma kʋt, Amen, achashke.

Chemis 2:6

Amba hʋchishno yokʋto ilbʋsha ya̱ hʋsh kanimanchishke. Hatak nan in laua ʋhleha hʋt hʋchishno a̱ hʋch ilbʋshachit, nan ai apesa kia hallʋlit hʋch isht oho̱na chatuk keyu̱?