Tutelonomi 24:15 - Chahta Holisso Holitopa 1886

¹⁵ Nitak ont im ʋlhpesakma asitʋbi tuk a̱ ish ima hi oke; micha hʋshi ʋt ont okatula he keyu, ilbʋsha hatuk osh chu̱kʋsh ʋt onʋtoyula hoka, keyukma chi̱ sanalit Chihowah pit i̱ pa̱ha̱ya na, nan ashʋchi chin toba na.

Tutelonomi 24:15 Iomraidhean Croise

Atʋloa 24:4

Ibbak kʋshofa, micha chu̱kʋsh kʋshofa yʋt nan ik ʋhobo ya̱ isht asittiah keyu, micha nana ka̱ haksichi hosh ʋnnumpah kʋllo il onucchi keyu ak a hi oke.

Atʋloa 25:1

Chihowa ma, chishno ak o̱ ʋmish shilombish a̱ isht chim ona lishke.

Atʋloa 86:4

Chi̱ tishuh imish shilombish a̱ ish yokpalashke; a̱ Shahli chia hak o̱ ʋmish shilombish a̱ isht chim ona li hoka̱.

Lefitikʋs 19:13

Chin chuka bili̱ka hatak a̱ ish haksicha he keyu; micha ish wehpula he keyu; hatak ilhtono ʋt asitʋbi tuk ʋt chin tonla na ik onno kashke.

Lefitikʋs 25:35

Micha chitibapishi hʋt chiba fokʋt ilbʋshʋt kʋnia cha, nana bʋnnakma ish apelʋchashke, a̱hli okla inla micha nowʋt a̱ya yoh kia, yʋmohmi ho̱ chi takla ahantashke.

Mahlu 20:8

Yʋmohmi tuk o̱ ont opiʋt taha ma, pa̱kʋpi aholokchi in talaia atuk ash osh nan im apesʋchi asho̱, Na pilesa ʋhleha ha̱ i̱ howa cha, ʋlhtoba ha̱ imá: ishtaiyopi tuk ak o̱ ai ishtia hosh ti̱kba tuk a̱ ont ish tahlashke, im achi tok.

Mark i̱ Holisso 10:19

Anumpa ʋlhpisa, Haui chik tobo kashke: Kʋna kia chik bo kashke: Nana kia chik hu̱kopo kashke: Anumpa ik a̱hlo isht atokolit chik ahanto kashke: Kʋna kia chik haksicho kashke: Chi̱ki, chishki aiena ka ish holitoblashke, achi puta ka ish ithanʋshke, im achi tok.

Tutelonomi 15:9

Ahah ish ai ahni na, Afʋmmi isht untuklo afʋmmi ai i̱ hotofa he ʋt olanlosishke, achi, imanukfila hʋt chi chu̱kʋsh okpulo ya̱ ik chukowo kashke; micha chi holhponayo hʋt ik achukmot, chitibapishi ha̱ i̱ sanali cha, nana kia chik emokma, chi̱ sanalit Chihowah ya̱ im pa̱yakma nan ashʋchi chi̱ toba na.

1 Timohli 5:18

Yohmi ka Holisso Holitopa yʋt achi kʋt, Wak toksʋli ʋt onush nihechi ka itih ha̱ chik takcho kashke: micha, Na toksʋli ʋt im ʋlhtoba he ak osh ai ʋlhpiesa hoke, achishke.

Chemis 5:4

Yakeh! toksʋli ʋhleha hʋchim osapa puta nana ai ʋmo tuk isht ʋlhtoba he tuk, yʋmmak oka hʋchishno ak osh nana ik ʋlhpesalot falaminchit hʋsh ishi tuk a̱, pa̱ha̱yʋshke: yohmikma nan ʋmo tuk ʋhleha pa̱ya kʋt Sabaolh Chitokaka haksobish a̱ ont chukowa hoke.