Tutelonomi 24:14 - Chahta Holisso Holitopa 1886

¹⁴ Ilhtohno tishu ʋhleha hʋt chitibapishi ʋhleha immi yosh keyukmʋt, okla inla immi yosh chi̱ holihta okhissa anu̱kaka chi̱ hikia yʋt nan ik im iksho hosh ilbʋshakma ish ilbʋshala he keyu hoke.

Tutelonomi 24:14 Iomraidhean Croise

Lefitikʋs 19:13

Chin chuka bili̱ka hatak a̱ ish haksicha he keyu; micha ish wehpula he keyu; hatak ilhtono ʋt asitʋbi tuk ʋt chin tonla na ik onno kashke.

ʋBanumpa Luk Ʋt Holissochi Tok 10:7

Mikmʋt chuka yʋmmak ash inli ho̱ aha̱shwʋt, peh nana hoh kia hʋch ipetakma, ʋpʋt hʋsh ishkashke: toksʋli ʋt im ʋlhtoba he ak osh im ai ʋlhpesa hoka. Chuka ʋbaiyʋchit hʋch ik itʋnowo kashke.

Tutelonomi 15:7

Chitibapishi ʋhleha aiachʋfa, hatak ʋt ilbʋsha hosh hʋch itin takla chi̱ holihta okhissa moma anu̱kaka chin Chitokaka Chihowah yʋt yakni chima tuk a̱ ahantakma, chi chu̱kʋsh a̱ ish i̱ kʋllocha he keyu, micha chitibapishi ilbʋsha ya̱ chibbak a̱ ish i̱ pohloma he keyu hoke.

1 Timohli 5:18

Yohmi ka Holisso Holitopa yʋt achi kʋt, Wak toksʋli ʋt onush nihechi ka itih ha̱ chik takcho kashke: micha, Na toksʋli ʋt im ʋlhtoba he ak osh ai ʋlhpiesa hoke, achishke.