Tutelonomi 24:1 - Chahta Holisso Holitopa 1886

¹ Hatak osh ohoyo ishi cha, itauwaya tuk osh, atuk osh yakohmikma, aliteha kaniohmi kia takali ha tuk a̱ ahayuchi cha, ik ahninchokmʋt, yohmikmʋt iti̱ mokofa holisso yo̱ i̱ holissochit ibbak fohki cha, in chuka ya̱ kohchichashke.

Tutelonomi 24:1 Iomraidhean Croise

Eksotʋs 21:10

Ohoyo inla ishikmʋt im ilhpak, i̱ nafohka, micha itauwaya he aiʋlhpesa ʋt ik onancho ka he keyu hoke.

Numbas 5:12

Islael im ʋlla ʋhleha im anumpulit, Hatak kʋna kia tekchi yosh naksika onʋt nayoshoba i̱ yoshobakma,

Numbas 5:28

Amba ohoyo hash osh liteha hatuk keyu, amba kashofa hatuk okmʋt yohmikmʋt nan ik i̱ kaniohmo ka he, micha ʋlla shala hi oke.

Mahlu 1:19

Yohmi ma i̱ hatak Chosef ʋt hatak achukma hatuk osh, nana ʋlhpisa ʋt onʋtula hi a̱ ik ahno mʋt, lumʋt kancha hi ʋt im anukfila tok.

ʋBanumpa Luk Ʋt Holissochi Tok 16:18

Kʋna hosh tekchi a̱ kanchi cha, inla itauwayakmʋt, haui toba hoke; mikma kʋna hosh i̱ hatak ʋt kanchi tok o̱ itauwaya hokmʋt, haui toba hoke, im achi tok.

Tutelonomi 21:15

Hatak osh tekchi in tuklo cha, achʋfa kʋt i̱ holitopa mʋt, achʋfa kano ik ahnincho; atuk o̱ holitopa yash osh, micha ik ahnincho yash osh ita tu̱klot ʋlla im ashakma, atuk o̱ ik ahnincho ushi yash osh ushi ʋtta ahpi yokma,

Tutelonomi 22:13

Hatak kʋna hosh ohoyo itauwaya tuk osh iba chukowa mʋt shitilema,

Tutelonomi 22:19

Micha tʋli hʋta shekel tahlepa achʋfa ho̱ i̱ hoyo cha, ohoyo himita yash i̱ki ya imashke: Islael ohoyo himita hatak haleli keyu ho̱ hohchifo ik achukmo onochi hokʋt; mikma tekchi yashke; okcha̱yʋt ahanta nitak ta̱kla kʋt kancha he keyu.

Tutelonomi 22:29

Yohmikma iba tʋshki tuk hatak ash osh ohoyo himita i̱ki ya tuk shekel pokoli tahlapi ho̱ imakma, tekchi ya hi oke, hofahyali tuk okʋt, okcha̱yʋt ahanta kʋt kancha he keyu hoke.

Tutelonomi 24:2

Atuk o̱ in chuka ya̱ kohchʋt iakmʋt, hatak inla tekchi toba hinla ak inli hoke.

Tutelonomi 24:3

Atuk o̱ i̱ hatak ishtaiopi kash osh shitilema mʋt, iti̱ mokofa holisso i̱ holissochit ibbak fohki cha, in chuka ya̱ kohchit chʋffichikma, keyukmʋt i̱ hatak ishtaiopi ʋt tekchi ya chi̱ hosh ishi kash osh illikma;